Saytın ümumi statistikası:

Saytda məqalələrin sayı - 2,959
Saytda ismarıcların sayı - 0

BÖLMƏLƏR

SON NÖMRƏMİZ

FOTOQALEREYA

Ziyarətçilər

Flag Counter

  • 19Ноя
    Xəbərlər Комментарии к записи “Xələflər və sələflər” kompleksi yaradılacaqdır отключены

     

    Şəhərimizdə “Xələflər və sələflər” kompleksinin yaradılması üçün hazırlıq işlərinə başlanılmışdır.

    AMEA-nın Gəncə Regional Elmi Mərkəzin direktor müavini Samir Pişnamazzadə kompleksin Nizami prospektində inşa ediləcəyini söyləmişdir. Burada dahi Azərbayjan şairi Nizami Gəncəvidən əvvəl və sonra gələn görkəmli mütəfəkkirlərin eyni mövzuya müraciət etdikləri əsərlərin əlyazmaları, eləcə də onların əsərlərinə müraciət edən xarici və yerli yazarların fikirləri toplanaraq nümayiş etdiriləcəkdir.

  • 19Ноя
    Xəbərlər Комментарии к записи “Öz biznes ideyanı yarat və öz biznesinə başla” adlı treninq keçirilmişdir отключены

     

    İqtisadi İnkişaf Nazirliyinin Bakı Biznes Tədris Mərkəzinin Gəncə nümayəndəliyi gənclər üçün “Öz  ideyanı yarat və öz biznesinə başla” adlı treninq keçirmişdir.

    3 saylı peşə liseyinin müəllim və şagirdlərinin iştirakı ilə keçirilən treninqdə iştirakçılarla biznes ideyanın yaradılması, biznes planların tərtib edilməsi, SWOT təhlilin aparılması və bu sahədə beynəlxalq təcrübə, maliyyə planlarının hazırlanması barədə müzakirələr aparılmışdır. Eyni zamanda iqtisadi İnkişaf Nazirliyi tərəfindən göstərilən elektron xidmətlər, elektron portallar və onlardan istifadə qaydaları, portalların biznesin səmərəli təşkili və inkişafı üçün yaratdığı əlverişli imkanlar barədə ətraflı məlumat verilmişdir.

  • 19Ноя
    Xəbərlər Комментарии к записи Cavad xanın heykəli ucaldılacaqdır отключены

    Yaxın vaxtlarda şəhərimizdə Gəncənin sonuncu xanı — Cavad xanın  heykəli ucaldılacaqdır. Azərbaycanın, eləcə də Gəncənin tarixində mühüm rol oynamış bu cəsur insanın obrazı at belində canlandırılacaqdır. Heykəlin qoyulacağı yerdə dairəvi yolun çəkilişi nəzərdə tutulmuşdur. Bu da səbəbsiz deyil. Belə ki, Qərb tərəfdən gələn avtomaşınlar heykəlin ətrafında dövrə vurduqdan sonra şəhərə daxil olacaqlar. 14 metr hündürlükdə olması nəzərdə tutulan abidənin təxminən bir kilometr məsafədən görünməsi mümkün olacaqdır. Heykəlin “Quru qobu” adlanan ərazidə qoyulmasının əsas səbəbi isə xalq qəhrəmanının burda rus qoşunları ilə qeyri-bərabər döyüşdə şəhid olmasıdır.

  • 19Ноя
    Xəbərlər Комментарии к записи Daha 30 avtobus alınacaqdır отключены

     

    Şəhərimizdəki uzun məsafəli 26 saylı marşrut xətti yeni avtobuslarla təmin edilmişdir.

    Bu barədə məlumat verən “Simurq” məhdud məsuliyyətli cəmiyyətin icraçı direktoru Sabit Bağırov demişdir ki, sərnişinlərin sıxlığı nəzərə alınaraq Cənubi Koreyadan alınmış  9 ədəd orta tutumlu “Hyunday” markalı avtobuslar həmin xəttə buraxılmışdır. Yaxın vaxtlarda digər marşrut xətlərində işləyən avtobusların yeniləndirilməsi üçün daha 30 ədəd avtobusun alınması nəzərdə tutulmuşdur.

  • 19Ноя
    Xəbərlər Комментарии к записи Yaxın vaxtlarda gəncəlilər şəhərdə yaradılacaq park-bulvarla fəxr edəcəklər отключены

     

    Gəncə çayı boyunca bir kilometr uzunluğunda salınajaq park-bulvar kompleksində görülən inşaat işlərinin həcmi xeyli genişləndirilmişdir.

    Artıq bu məqsədlə podratçı şirkət tərəfindən sahil boyu betonlama işlərinə başlanılmışdır. İlkin mərhələdə hər iki sahilin etibarlı şəkildə mühafizəsi üçün 50 metrlik bəndlərin, eləcə də çayın hər iki hissəsində 4 metr hündürlüyündə və 1,5 metr enində istinad divarlarının inşasına başlanılmışdır. Gəncə çayının məcrasının yenidən qurulması layihəsinə uyğun olaraq çayda baş verə biləcək daşqınların qarşısını almaq məqsədilə hər yüz metrdən bir keçidlər quraşdırılır. Bütün bu işlər başa çatdırıldıqdan sonra çayın üzərində olan körpülərin təmir edilməsi nəzərdə tutulmuşdur.

  • 19Ноя
    Xəbərlər Комментарии к записи Hava limanından şəhərə giriş yolu milli üslubda yenidən qurulacaqdır отключены

     

    Xeyli vaxtdır ki, Gəncə beynəlxalq hava limanından şəhərə giriş yolunun genişləndirilməsi işlərinə başlanılmışdır. Əvvəllər birtərəfli olan yolda 8 metr genişləndirmə işləri aparılmaqla ikitərəfli hərəkət zolağı yaradılmışdır.

    Aran memarlıq üslubunda yenidən qurulacaq küçədə yenidənqurma işləri xüsusi layihə əsasında aparılacaqdır. Qərara alınmışdır ki, küçə boyu qoyulmüş istinad divarları və evlərin üzü qırmızı kərpiçlə hörülsün. Bütün bu işlər  hava limanından şəhərə daxil olan hər bir qonaq üçün maraqlı olmaqla yanaşı, həm də Gəncənin qədimliyini əks etdirəcəkdir. Gələn il başlanacaq üzlənmə işləri üçün lazım olan kərpicin respublikamızın cənub bölgəsindən gətirilməsi nəzərdə tutulmuşdur.

  • 19Ноя
    Xəbərlər Комментарии к записи Avtomobil zavodunda istehsal sahələri genişləndirilir отключены

    2007-ci ildə Belarus Respublikasının ”Belaqromaş” və “Dorelektromaş” müəssisələri ilə yaradılmış iş birliyi çərçivəsində Gəncə avtomobil zavodunda indiyədək 4 minə yaxın “Belarus” traktoru, 2 minə yaxın isə “MAZ” avtomobili yığılmışdır. 2010-ju ildə burada “Belarus” traktorlarının bazasında 34 ədəd ekskovator və asfaltkəsən texnika, 86 ədəd müxtəlif təyinatlı kommunal texnika və 50 ədəd müxtəlif kotan və digər kənd təsərrüfatı işlərində istifadə olunan aqreqatlar istehsal olunmuşdur. Qeyd etmək lazımdır ki, 2011-ci ilin aprel ayından Bakıda Gəncə avtomobil zavodu istehsalat birliyinin “Marketinq və servis müəssisəsi” fəaliyyətə başlamışdır ki, bunun da nəticəsində zavodda istehsal olunan kənd təsərrüfatı texnikasının və avtomobillərin satışı, təmiri və servis xidməti göstərilir.

    Zavoddan verilən məlumata görə 2010-cu ilin mart ayından Almaniyanın “Naller” və Belarusun Minsk avtomobil zavodu ilə bağlanmış müqaviləyə əsasən Gənjə avtomobil zavodunda daha bir istehsalat sahəsi istifadəyə verilmişdir. Burada 700 kvadratmetr sahəsi olan və müasir texnoloji xətt və avadanlıqla təhciz olunmuş yığım sexində “MAZ” avtomobillərinin bazasında “Haller”in kommunal avadanlığı quraşdırılmasına başlanılmışdır.

    İstehsalat sahələrinin genişləndirilməsi nəticəsində hazırda zavodda 700 nəfər işçi çalışır ki, onların da orta aylıq əmək haqqı 400 manata qədərdir.

Страница 272 из 272« Первая...102030...268269270271272