Saytın ümumi statistikası:

Saytda məqalələrin sayı - 3,205
Saytda ismarıcların sayı - 0

Ziyarətçilər

Flag Counter

SON NÖMRƏMİZ

FOTOQALEREYA

BÖLMƏLƏR

  • 17Окт
    Cəmiyyət Комментарии к записи Füzulinin işğaldan azad olunması Azərbaycan Ordusunun qələbəsidir отключены
    Füzuli şəhəri və rayonun böyük hissəsi 23 avqust 1993-cü il tarixində erməni silahlı qüvvələri tərəfindən işğal olunmuşdur. 5 yanvar 1994-cü ildə Azərbaycan Respublikası Silahlı Qüvvələrinin hücumu nəticəsində rayonun 22 yaşayış məntəqəsi işğaldan azad olunmuşdur. Qələbə ilə bitən bu hərbi əməliyyatlara Azərbaycan xalqının Ümumilli Lideri Heydər Əliyevin əmri ilə başlanmışdır. O zaman işğaldan azad olunmuş ərazilərdə hazırda rayon əhalisinin 50%-ə qədəri yaşayır. Ermənistanın silahlı qüvvələri ilə mübarizədə rayon sakinlərindən 400 nəfərədək müharibə əlili, 657 nəfər şəhid olmuşdur, 181 nəfər əsir və itkin düşmüşdür.
    Füzuli rayonunda işğaldan əvvəl 2 şəhər, 16 qəsəbə, 82 kənd və başqa yaşayış məntəqələri mövcud olmuşdur. İşğaldan öncə Füzuli rayonu tarixi-dini abidələrlə, xüsusən də türbələrlə zəngin bir ərazi olmuşdur.

    Daha ətraflı »

  • 17Окт
    Cəmiyyət Комментарии к записи Gəncədə Vətən Müharibəsi zamanı həlak olan mülki şəhidlərin xatirəsi anılıb отключены
    Gəncə şəhərinin Ermənistan silahlı qüvvələri tərəfindən növbəti dəfə raket atəşinə tutulmasından bir il ötür. Bununla əlaqədar olaraq Gəncədə anım mərasimi təşkil olunub. Anım mərasimdə Milli Məclisin I vitse-spikeri Əli Hüseynli, Gəncə Şəhər İcra Hakimiyyətinin başçısı Niyazi Bayramov, millət vəkilləri, Türkiyə və Gürcüstanın Gəncədəki baş konsulları, hüquq-mühafizə orqanlarının rəhbərləri, müsəlman, xristian və yəhudi dini icmalarının nümayəndələri, habelə şəhər ictimaiyyətinin üzvləri iştirak ediblər. 
    Mərasim iştirakçıları Vətən Müharibəsi dövründə Gəncənin Ermənistan silahlı qüvvələri tərəfindən raket atəşinə tutulması nəticəsində dağılan ərazilərə baş çəkib, terror qurbanlarının xatirəsini ehtiramla yad ediblər. 

    Daha ətraflı »

  • 17Окт
    Cəmiyyət Комментарии к записи Gəncədə istiqlal şairi Əhməd Cavadın barelyefinin açılışı olub отключены

    Gəncədə böyük istiqlal şairi, tərcüməçi, professor Əhməd Cavadın yaşadığı evin üzərindəki barelyefin açılış mərasimi keçirilib. Mərasimdə Gəncə Şəhər İcra Hakimiyyətinin başçısı Niyazi Bayramov, şairin nəticəsi Cavad Axundzadə, AMEA-nın Gəncə bölməsinin sədri, akademik Fuad Əliyev, Azərbaycan Yazıçılar Birliyinin Gəncə bölməsinin sədri Xəzangül Hüseynova, “Cavad xan” Tarix və Mədəniyyət Fondunun vitse-prezidenti Müzadil Həsənov, idarə, müəssisə, təşkilat rəhbərləri və şəhər ictimaiyyəti iştirak ediblər.

    Tədbir, sözləri dahi şair Əhməd Cavada aid olan Azərbaycan Respublikasının Dövlət Himninin səsləndirilməsi ilə başlayıb. Daha sonra şairin nəticəsi və şəhər rəhbəri tərəfindən barelyefin üzərindəki ağ örpək götürülüb, önünə tər güllər düzülüb.

    Daha ətraflı »

  • 15Окт
    Cəmiyyət Комментарии к записи Prezident İlham Əliyevin siyasi varislik missiyası  отключены
    2003-cü il oktyabrın 1-də Ulu Öndər Heydər Əliyev Azərbaycan xalqına müraciət edərək öz namizədliyini siyasi varisi İlham Əliyevin xeyrinə geri götürdüyünü bildirdi: “Üzümü Sizə — həmvətənlərimə tutaraq, qarşıdan gələn Prezident seçkilərində Prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”.

    Daha ətraflı »

  • 15Окт
    Cəmiyyət Комментарии к записи Nizami GƏNCƏVİ — 880 отключены

    Poeziyamızın sönməz günəşi

    AYB Gəncə bölməsində “Nizami Gəncəvi yaradıcılığında bəşəri ideyalar” mövzusunda keçirilən tədbir 44 günlük Vətən müharibəsində şəhid olmuş oğulların və dünyasını dəyişmiş yazarların xatirəsini bir dəqiqəlik sükutla yad edilməsi ilə öz işinə başladı.

    Bölmənin sədri, Əməkdar mədəniyyət işçisi, şair-dramaturq Xəzangül Hüseynova Nizami Gəncəvinin yaradıcılığı haqqında geniş məlumat verdi. O, Nizami dühasının bütün bəşəriyyəti heyrətdə qoyduğunu və şairin ədəbi irsinin tükənməz mənəvi sərvət olduğunu bildirdi. 

    Gəncə Regional Mədəniyyət Mərkəzinin rəisi Vasif Cənnətov 2021-ci ilin «Nizami Gəncəvi ili» elan olunmasını, bununla bağlı regional idarənin təşəbbüsü ilə Nizami Gəncəvinin 880 illiyinə həsr olunmuş silsilə tədbirlərin davamı kimi yazarların iştirakı ilə keçirilən tədbiri müsbət qiymətləndirdi. Daha ətraflı »

  • 14Окт
    Cəmiyyət Комментарии к записи Xüsusi əhəmiyyət daşıyan hərbi əməliyyat отключены
    İkinci Qarabağ müharibəsindəki əməliyyatlar sırasında Hadrut əməliyyatı xüsusi əhəmiyyət daşıyır. Həm hərbi nöqteyi-nəzərdən, həm strateji nöqteyi-nəzərdən bu əməliyyatın çox böyük əhəmiyyəti var idi. Bu əməliyyatın uğurla başa çatması imkan verdi ki, Azərbaycan Ordusu öz hədəfinə – Qarabağın azad edilməsinə nail oldu. Hadrutun yerləşməsi bu bölgədə strateji nöqteyi-nəzərdən xüsusi əhəmiyyətə malikdir. Qəsəbə ətrafında yerləşən təpələr böyük əraziyə nəzarət etməyə imkan verir və Hadrutu götürmək hərbi nöqteyi-nəzərdən çox çətin idi.
    Baxmayaraq ki, müharibə zamanı Ermənistan ordusunda on mindən çox fərari olmuşdur və bəzi yaşayış məntəqələrindən onlar tələm-tələsik qaçaraq çıxmışdılar, amma Hadrutda dirəniş göstərdilər, müqavimət göstərdilər və burada gedən şiddətli döyüşlər bir neçə gün davam etmişdir.

    Daha ətraflı »

  • 14Окт
    Cəmiyyət Комментарии к записи Buster dozasının əhəmiyyəti отключены
    Koronavirusla mübarizədə vətəndaş məsuliyyəti böyük əhəmiyyət kəsb edir. İstər yaxın, istərsə də uzaq çevrəmizdən qorunmaq və qorumaq üçün profilaktik tədbirlərin görülməsi, həmçinin gigiyenik qaydalara riayət etdilməsi lazımi xarakter daşıyır. COVID-19 virusuna qarşı  təsdiq edilən 4 peyvənd növü var ki, hər biri  Avropa Dərman Peraparatları Agentliyi tərəfindən elmi cəhətdən sınaqdan keçirilmiş və təhlükəsizlik standartlarına cavab verdiyi təsdiq edilmişdir. Peyvənd yaş həddi 18-dən yuxarı olar bütün vətəndaşlar üçün nəzərdə tutulmuşdur. Statistikaya əsasən demək olar ki, 2 milyondan artıq əhali vaksinasiya olunub. Bu isə öz növbəsində virusun kəskin şəkildə yayılmasının qarşısını alır. 
    Vaksin immunitet sistemini gücləndirmək üçün müəyyən infeksiyalara qarşı daha effektiv mübarizə aparmağa kömək edir. Artıq orqanizm bakteriya və ya virusla rastlaşdıqda necə mübarizə aparacağını bilmiş olur.

    Daha ətraflı »

  • 13Окт
    Cəmiyyət Комментарии к записи Azərbaycan dünyada müstəqil dövlət, böyük şöhrətə malik ölkə kimi tanınır отключены

    1991-ci il oktyabrın 18-də «Azərbaycan Respublikasının dövlət müstəqilliyi haqqında Konstitusiya Aktı» qəbul olundu. Konstitusiya Aktı respublikamızı rəsmi olaraq Azərbaycan Xalq Cümhuriyyətinin varisi və müstəqil  elan etmişdir. Həmin aktda, həmçinin Azərbaycan xalqının idarəetmə formasını seçmək, başqa xalqlarla münasibətlərini müəyyənləşdirmək, siyasi, iqtisadi və mədəni həyatını tarixi və milli ənənələrinə, ümumbəşəri dəyərlərə uyğun sürmək hüququ təsbit olunmuşdur.

    «Azərbaycan Respublikasının Dövlət Müstəqilliyi haqqında Konstitusiya Aktı»nın 12-ci maddəsində Azərbaycan xalqının müstəqil, dünyəvi, demokratik, hüquqi və unitar dövlət yaratma yolunu tutması fikri əksini tapmışdı. Konstitusiya Aktında hakimiyyətin və bütün təbii sərvətlərin xalqa mənsubluğu, mülkiyyətin bütün formalarının bərabərliyi, vətəndaşların seçki hüququ, çoxpartiyalı sistemin təminatı, habelə insan və vətəndaş hüquq və azadlıqlarının ümumi prinsipləri də rəsmən elan edilmişdi.

    Daha ətraflı »

  • 08Окт
    Cəmiyyət Комментарии к записи Ermənistan silahlı qüvvələrinin törətdiyi cinayətlərin ifşa olunmasında Ombudsmanın faktaraşdırıcı missiyalarının rolu отключены

    Ermənistan silahlı qüvvələri tərəfindən 27 sentyabr 2020-ci il tarixindən başlayaraq beynəlxalq hüquq normaları  kobud şəkildə pozulmaqla 44 günlük Vətən müharibəsinin gedişatında cəbhə bölgəsindən uzaq, mülki əhalinin sıx məskunlaşdığı yaşayış məntəqələri, sosial, mədəni və strateji əhəmiyyətli obyektlər ağır artilleriya qurğularından, aviasiyadan, xüsusi raket sistemlərindən və qadağan olunmuş silahlardan istifadə edilməklə intensiv şəkildə atəşə tutulmuşdur. Hərbi əməliyyatların getdiyi zonadan uzaqda yerləşən müxtəlif rayonları və şəhərləri hədəf almaqla Ermənistan hərbi-siyasi rəhbərliyi əsas niyyətinin azərbaycanlılara qarşı soyqırım törətmək olduğunu göstərdi.

    Müzəffər Ali Baş Komandan cənab İlham Əliyevin rəhbərliyi ilə Azərbaycanın şanlı Qələbəsi ilə nəticələnmiş 44 günlük müharibə zamanı Ermənistan silahlı qüvvələrinin ölkəmizin dinc sakinlərinə qarşı qeyri-insani, beynəlxalq humanitar hüquqa, xüsusən Cenevrə Konvensiyalarına zidd olan əməlləri, hərbi əməliyyatlar zonasından uzaq məsafədə yerləşən şəhər və kəndlərin, mülki infrastrukturun kasetli və fosforlu mərmilər, uzaqmənzilli ballistik raketlər ilə atəşə tutması nəticəsində 93 mülki şəxs, o cümlədən 12 uşaq və 28 qadın həlak olub, 423 şəxs, o cümlədən 51 uşaq və 104 qadın yaralanıb, Gəncə şəhərində çoxmənzilli 10 bina da daxil olmaqla 264 ev tamamilə dağıdılıb.

    Daha ətraflı »

  • 08Окт
    Cəmiyyət Комментарии к записи Təkcə ailənin deyil, həm də xalqın oğlu idi отключены

    Zəfər soraqlı 44 günlük Vətən müharibəsinin qəhrəman oğullarından biri də şəhid Mirhüseyn Miryunis oğlu Seyidzadədir. O, 1991-ci il fevral ayının 11-də Rusiya Federasiyasının paytaxtı Moskva şəhərində dünyaya gəlib. 1997-ci ildə M.Ə.Sabir adına 5 saylı məktəbin 1-ci sinfinə gedib. 2006-cı ildə həmin məktəbin 9-cu sinfini başa vuraraq Gəncə Humanitar Kollecinə qəbul olub. 2010-cu ildə kollecin gömrük işi üzrə kiçik mütəxəssis ixtisasını bitirərək həqiqi hərbi xidmətə gedib və 2012-ci ildə hərbi xidmətini başa vurub. 2016-2017-ci illərdə Türkiyə Respublikasının İstanbul şəhərində özəl şirkətdə çalışıb. 2020-ci ilin iyul ayında Bakı şəhərində sülhməramlıların tərkibində təlimlərə başlayıb.

    27 sentyabrda erməni təcavüzünə qarşı başlayan Vətən müharibəsi zamanı xidmət etdiyi hərbi hissənin tərkibində cəbhə bölgəsinə gedib. Füzuli, Cəbrayıl, Qubadlı, Laçın uğrunda gedən döyüşlərin fəal iştirakçısı olub. Oktyabr ayının 9-da Gəbrayıl ərazisində gedən döyüşlər zamanı qəhrəmancasına şəhid olub. Bir gün sonra isə Gəncənin Şəhidlər xiyabanında torpağa tapşırılıb.

    Daha ətraflı »