Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 18 dəfə pozub.

Müdafiə Nazirliyinin mətbuat xidmətindən AZƏRTAC-a bildiriblər ki, Ermənistanın Noyemberyan və Krasnoselsk rayonları ərazisindəki adsız yüksəkliklərdə yerləşən mövqelərdən Azərbaycan Respublikasının Qazax rayonu ərazisindəki adsız yüksəkliklərdə və Gədəbəy rayonunun Göyəli kəndində yerləşən mövqelərimiz atəşə tutulub. Daha ətraflı »

Əzizinəm Ağdamdı,

Qara damdı, ağ damdı.

Yollarına baxmaqdan,

Gözlərimə ağ damdı.

O yollara, sinəsi dağlı torpağa nisgil dolu bir həsrətlə baxırıq. Düz 27 ildir ki, bir vaxt doğmam, torpağım dediyimiz o səmtə üz tuta bilmirik. Gözün görə, əlin çatmaya, sən baxa—baxa torpağına od vurub yandıralar, amma onu söndürməyə nə gücün, nə haqqın çatmaya. Məcburi köçkün sözünün yaranmasına bais olanlara Allah min lənət eləsin. Haradan daxil oldu bu söz lüğətimizə? Kaş heç yerli—dibli tanımayaydıq bu kəlməni. Məcburi köçkünlər indi respublikanın onlarla rayonunda məskunlaşıblar. Amma ömrünün bir hissəsinə aid olan xatirələrin «məcburi köçkünlüyü» də mövcuddur. İndi mən haradan alım o ayaqyalın gəzdiyim həyətimizi, bəzən gümrah, bəzən yuxulu getdiyim məktəb yolunu, anamın işdən gəlişini gözlədiyim qapımızı? Daha ətraflı »

Qərb küləyinin əsəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə bu gün Gəncədə hava günəşli olacaq. Qərb küləyi əsəcək. Havanın temperaturunun gecə 20-25°, gündüz 32-37° isti olacağı deyilir. Daha ətraflı »

22 iyul – Milli Mətbuat Günü münasibətilə şəhər İcra Hakimiyyəti rəhbərliyinin təşəbbüsü ilə media işçiləri üçün ziyafət təşkil olunub. Gəncədə fəaliyyət göstərən televiziya, qəzet və xəbər agentliklərinin bölgə müxbirləri, habelə yerli televiziya və saytların nümayəndələri bir süfrə başında toplanıb, Milli Mətbuat Gününü bir ailə kimi qeyd ediblər.

Süfrə başında keçən səmimi söhbət zamanı qocaman jurnalistlər bu sahənin incəliklərindən söz açıb, xatirələrini bölüşüblər. Qeyd olunub ki, jurnalistika olduqca çətin və bir o qədər də məsuliyyətli peşədir. Bu adı şərəf və ləyaqətlə daşımaq isə sözsüz ki, hər bir qələm və söz sahibinin borcudur. Daha ətraflı »

Mənim üçün Milli Mətbuat Günü bayramların ən əzizidir. Bu peşəni hələ 6-cı sinifdə Əlfi Qasımovun «Adilənin taleyi» kitabını oxuyarkən seçmişəm. (Təəssüf ki, indi mütaliə edənlərin sayı azalır). Elə bu seçimimlə də bəxtim həmişə gətirib. Jurnalistika fakültəsinə orta məktəbi başa vuran kimi qəbul olunmuşam. Respublikanın ən adlı-sanlı alimlərindən – Mir Cəlal Paşayev, Nəsir İmanquliyev, Şirməmməd Hüseynov, Nurəddin Babayev, Qulu Xəlilov, Mehdi Məmmədov kimi görkəmli şəxslərdən dərs almışam. Bu siyahını uzatmaq da olar, lakin yuxarıda dediyim kimi, bu görkəmli adamları dinləmək özü bir məktəb idi.

Təyinatla gəldiyim «Gəncənin səsi» («Kirovabad kommunisti») qəzeti redaksiyasında müxbir, şöbə müdiri, baş redaktorun müavini kimi çalışmışam. Gəncliyin gətirdiyi o enerji ilə qələmə elə sarılmışam ki, oxucular adımı «iti qələm» qoyub. Harada bir əyinti vardısa, orada olurdum və bəzən bu mənə «baha başa» gəlirdi. Amma geri durmaq sözü lüğətimdə yox idi.  Daha ətraflı »

Azərbaycan mətbuatının banisi Həsən bəy Zərdabi böyük çətinliklərdən sonra Bakıda ana dilində "Əkinçi" qəzetinin nəşr edilməsi üçün icazə alır. Qəzetin ilk nömrəsi 1875-ci il iyulun 22-də çapdan çıxır. "Əkinçi" qəzetinin nəşri bütün Qafqazda əks-səda doğurur.

1875-1877-ci illər ərzində fəaliyyət göstərmiş qəzetin 56 nömrəsi işıq üzü görüb. "Əkinçi" qəzeti xalqımızın milli oyanışında, milli birliyinin möhkəmlənməsində böyük rol oynayıb.

Qəzetin mütərəqqi ideyaları Rusiya hakim dairələrini narahat etmiş və iki il sonra qəzet bağlanıb. Azərbaycan mətbuatının ilk müjdəçisi "Əkinçi"dən sonra bu sahədə xeyli irəliləyişlər olub. XIX əsrin sonlarında "Ziya", (1879), "Kəşkül" (1880), "Kaspi" (80-90-cı illər) qəzetləri nəşrə başlamışdı. XX əsrin əvvəllərində C. Məmmədquluzadə, M. Şahtaxtinski, S. Hüseyn, Ö. Faiq Nemanzadə, Ü. Hacıbəyov və başqaları yeni demokratik mətbuatın yaranması uğrunda mübarizə aparırdılar. Bu gərgin mübarizə öz nəticəsini verdi. "Şərqi-rus" (1903), "Həyat" (1905), "Açıq söz" (1915), "Azərbaycan " (1918) kimi demokratik ruhlu, milli qayəli qəzetlər meydana çıxıb... Daha ətraflı »

Qərb küləyi əsəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə bu gün Gəncədə hava günəşli olacaq. Qərb küləyi əsəcək. Havanın temperaturunun gecə 20-25°, gündüz 33-38° isti olacağı deyilir. Daha ətraflı »

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 26 dəfə pozub.

Müdafiə Nazirliyinin mətbuat xidmətindən AZƏRTAC-a bildirilib ki, Ermənistan Respublikasının Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Yarımca, Ağdam rayonunun Şıxlar, Cəvahirli, Xocavənd rayonunun Kuropatkino, Füzuli rayonunun Qaraxanbəyli, Aşağı Seyidəhmədli, Qorqan kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub. Daha ətraflı »

Gəncədə hava günəşli olacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə bu gün Gəncədə hava günəşli olacaq. Qərb küləyi əsəcək. Havanın temperaturunun gecə 20-25°, gündüz 33-38° isti olacağı deyilir. Daha ətraflı »

Əmək və Əhalinin Sosial Müdafiəsi Nazirliyi yanında Dövlət Məşğullluq Xidmətinin peşə tədrisi mərkəzləri şəbəkəsinin genişləndirilməsi işləri çərçivəsində cari ilin ikinci yarısında Gəncə şəhərində publik hüquqi şəxs statuslu Təlim Tədris Mərkəzi istifadəyə veriləcək.

Əmək və Əhalinin Sosial Müdafiəsi Nazirliyi yanında Dövlət Məşğullluq Xidmətinin peşə tədrisi mərkəzləri şəbəkəsinin genişləndirilməsi işləri çərçivəsində cari ilin ikinci yarısında Gəncə şəhərində publik hüquqi şəxs statuslu Təlim Tədris Mərkəzi istifadəyə veriləcək.

Mərkəzdə azı 20 peşə/ixtisas üzrə təlim və treninqlər təşkil olunacaq. Tədris olunacaq peşə/ixtisaslar əmək bazarının tələbləri əsasında təyin ediləcək. Belə ki, hansı sahələr üzrə işçi qüvvəsi çatışmazlığı müşahidə olunursa, həmin sahələr üzrə yeni əmək resurslarının hazırlanması məqsədilə kursların təşkilinə üstünlük veriləcək. Daha ətraflı »