Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 21 dəfə pozub.

Müdafiə Nazirliyinin mətbuat xidmətindən AZƏRTAC-a bildirilib ki, Ermənistanın Noyemberyan rayonunun Şavarşavan kəndində və adsız yüksəkliklərdə yerləşən mövqelərdən Qazax rayonunun Kəmərli, Quşçu Ayrım kəndlərində yerləşən mövqelərimiz atəşə tutulub.

Tərtər rayonunun işğal altında olan Göyarx, Ağdam rayonunun Tağıbəyli, Kəngərli, Yusifcanlı, Füzuli rayonunun Qaraxanbəyli kəndləri yaxınlığında, həmçinin Goranboy və Tərtər rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub. Daha ətraflı »

Gəncədə hava əsasən yağmursuz keçəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Gəncədə gecə və səhər saatlarında qısamüddətli yağış yağacağı, şimşək çaxacağı ehtimalı var. Şərq küləyi əsəcək, ayrı-ayrı yerlərdə arabir güclənəcək. Daha ətraflı »

Gəncə Şəhər İcra Hakimiyyəti başçısının birinci müavini Elnur Rzayev Koreya Respublikasının paytaxtı Seoulda olub. O, burada Asiya İnkişaf Bankı və “CityNet” şirkətinin birgə təşkilatçılığı ilə “Mərkəzi Asiya Regional İqtisadi Əməkdaşlıq Proqramının əhatə etdiyi şəhərlərin aşağı karbonlu inkişafı” mövzusu ilə əlaqəli II Beynəlxalq Forumda iştirak edib.

Forum zamanı Sistemli Aşağı Karbon Dönüşümü üçün ətraf mühitin inkişafı və problemlərinin həlli mövzusunda müzakirələr aparılıb. Müzakirələr zamanı bildirilib ki, nəqliyyat sektorunda havanın təmiz saxlanılması üçün aşağı karbonlu prioritetlərə kapital qoyuluşları müəyyən edilməli, iqlimə təsirin yumşaldılması üzrə tədbirlər görülməli, o cümlədən aşağı karbon inkişafı sahəsində olan təcrübə mübadiləsini həyata keçirərək yaşıl, rəqabətqabiliyyətli, dayanıqlı şəhərlər yaradılmalıdır. Daha ətraflı »

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti Beynəlxalq Əmək Təşkilatı (BƏT) ilə birgə növbəti “Təlimçilərin Təlimi” proqramına başlayıb. Nazirlikdən verilən məlumata görə, özünüməşğulluq proqramının əhatə dairəsinin genişləndirilməsi təlimçilərə olan tələbatı da artırıb və bununla əlaqədar növbəti proqram yeni peşəkar təlimçilərin hazırlanmasına xidmət edir.

Proqram çərçivəsində ilk təlim Gəncə şəhərinin Kəpəz rayon Məşğulluq Mərkəzində təşkil olunub. BƏT-in “Öz Biznesinə Başla və Təkmilləşdir” adlı proqramı əsasında keçirilən təlimdə Gəncə şəhəri də daxil olmaqla 13 şəhər və rayondan olan təlimçilər iştirak edir. Onlara BƏT-in baş təlimçisi tərəfindən təlimçilik bacarıqları və biznes planın hazırlanması metodikası tədris olunur. Daha ətraflı »

Mərkəzi icra hakimiyyəti orqanları, digər qurumların rəhbərlərinin və onların müavinlərinin 2019-cu ilin sentyabrında şəhər və rayonlarda vətəndaşların qəbulu cədvəlinə uyğun olaraq, “Azərsu” ASC-nin sədri Qorxmaz Hüseynov sentyabrın 18-də Gəncə şəhərində Gəncə, Samux və Kəlbəcərdən olan vətəndaşları qəbul edəcək.

ASC-dən AZƏRTAC-a bildirilib ki, sentyabrın 19-da “Azərsu” sədrinin birinci müavini Teyyub Cabbarov Göygöl şəhərində Göygöl və Daşkəsən rayonlarının sakinləri ilə görüşəcək. Sentyabrın 20-də isə ASC sədrinin müavini Etibar Məmmədov Naftalan şəhərində Naftalan, Goranboy və Xocalı rayonlarının sakinlərini qəbul edəcək.

Qəbullar Gəncə şəhəri Heydər Əliyev Mərkəzində, Göygöl və Naftalan sukanal sahələrinin inzibati binalarında keçiriləcək. Qəbullarda sakinlərin içməli su təchizatı və kanalizasiya xidmətləri ilə bağlı müraciətlərinə baxılacaq. Daha ətraflı »

Aşura günü ilə bağlı Gəncədə «İmamzadə» dini kompleksində ənənəvi qanvermə aksiyası keçirilib. Gəncə şəhər İcra Hakmiyyətinin başçısı Niyazi Bayramov, Millət vəkili Naqif Həmzəyev, AMEA—nın Gəncə Bölməsinin sədri, akademik Fuad Əliyev, ADAU—nun rektoru, professor İbrahim Cəfərov, Gəncə şəhər Təhsil İdarəsinin müdiri Zakir Hüseynov və digər idarə, müəssisə rəhbərləri aksiyaya qoşulublar.

İrsi qan xəstəliyindən əziyyət çəkənlərə yardım məqsədilə Səhiyyə Nazirliyi və Qafqaz Müsəlmanları İdarəsi tərəfindən keçirilən aksiyada Gəncə və ətraf rayonlardan təkcə 2 saat ərzində 600-ə yaxın vətəndaş iştirak edib.

Səhər saat 9-dan başlayaraq Mərkəzi Qan Bankının Gəncə filialının 56 nəfərlik tibbi briqadası xüsusi qurulmuş çadırlarda vətəndaşlara xidmət göstəribdir. 32 nəfərin eyni vaxtda qan verməsi üçün hər cür şəraiti olan həmin məntəqə zəruri dərman və tibbi vasitələrlə təmin edilmişdi. Bu mənəvi dəyərlər ətrafında həmrəy olan vətəndaşların sağlamlığı əvvəlcədən yoxlanılıb. Sağlamlığında problem olmayan və 18 yaşdan yuxarı şəxslər qan veriblər. Daha ətraflı »

“Xan bağı”nda olan ağacların qurumuş budaqları kəsilib, ərazidə təmizlik işləri aparılıb. Gəncə Şəhər İcra Hakimiyyətinin başçısı Niyazi Bayramov “Xan bağı” mədəniyyət və istirahət parkına baş çəkib. Şəhər rəhbəri buradakı vəziyyətlə tanış olub, müvafiq göstərişlər verib.

Azərbaycan Qida Təhlükəsizliyi Agentliyi ilə 10 saylı Regional Ekologiya və Təbii Sərvətlər İdarəsi park ərazisində birgə monitorinq keçirib. Bunun nəticəsi olaraq 70-ə yaxın ağacın budanmasına və 7 ədəd müxtəlif növ  çoxillik, tamamilə qurumuş ağacın kəsilməsinə qərar verilib. Vətəndaşların təhlükəsizliyi nəzərə alınaraq həyata keçirilən tədbirlərə Mənzil Kommunal Təsərrüfatı İstehsalat Birliyinin çox sayda canlı qüvvəsi və texnikası cəlb olunub. İki gün davam edən profilaktik tədbirlər nəticəsində kəsilərək zərərsizləşdirilən ağacların yerinə  Gəncənin simvolu hesab olunan Xan çinarlar əkiləcək. 

Daha ətraflı »

Gəncə Şəhər İcra Hakimiyyətinin başçısı Niyazi Bayramov şəhərin Gülüstan qəsəbəsində olub. Gəncənin əksər ərazilərində olduğu kimi, burada da abadlıq-quruculuq işləri həyata keçirilir. Şəhər rəhbərinə burada görülən işlər barədə ətraflı məlumat verilib.

İşlərin gedişatı ilə maraqlanan Niyazi Bayramova bildirilib ki, hazırda Gülüstan qəsəbəsinin ərazisində olan 12 nömrəli məktəbin yolu, Əziz Əliyev parkının ətrafı, Nəriman Nərimanov prospekti və bir sıra başqa küçələr asfaltlanır. Piyadaların rahat gediş-gəlişini təmin etmək üçün səkilər səligəyə salınır. Asfaltlanan küçələrdə gecə işıqlanması sistemi yenidən qurulur.

Daha ətraflı »

Yağış yağacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Gəncədə şərq küləyi əsəcək. Havanın temperaturunun gecə 14-18°, gündüz 22-24° isti olacağı proqnozlaşdırılır. Gün ərzində yağış yağacağı ehtimalı var. Daha ətraflı »

Antarktidadakı Tueytsa buzlağının 40 il ərzində dörddəbir hissəsi nazilib. O, ehtimal edildiyindən daha sürətlə əriyir. Əgər nəhəng buzlaq tamamilə əriyərsə, o zaman dünya okeanında suyun səviyyəsi yarım metr qalxacaq.

AZƏRTAC bu barədə "nat-geo.ru” saytına istinadla xəbər verir.

Tədqiqatçılar Tueytsa şelf buzlağının qalınlığının öyrənilməsi üçün radiolokasiya məlumatlarından istifadə ediblər. Onlar ötən əsrin 70-ci illərinin məlumatlarını müasir göstəricilərlə birləşdiriblər.

Məlum olub ki, 1978-ci ildən 2009-cu ilədək şelf buzlağının qalınlığı bəzi yerlərdə 33 faiz azalıb. Tueytsa ümumilikdə, bu dövr ərzində təxminən özünün dörddəbir sahəsini itirib. Daha ətraflı »