Gəncə Dövlət Universitetinin təşkilatçılığı ilə şəhər və ətraf rayon məktəbliləri arasında keçirilən fənn olimpiadalarının qaliblərinin mükafatlandırılması mərasimi keçirilib.Universitetin Mətbuat və ictimaiyyətlə əlaqələr xidməti xəbər verir ki, tədbirdə həmçinin universitetin ictimai həyatında yaxından iştirak edən, eyni zamanda çoxsaylı yerli və beynəlxalq əhəmiyyətli mədəni-kütləvi tədbirlərdə öz xüsusi bacarıqları ilə seçilən müəllim və tələbələr də mükafatlandırılıb.

Tədbirdə universitetinin professor-müəllim heyəti, məktəb müəllimləri, tələbələr, şagirdlər və ictimaiyyət nümayəndələri iştirak ediblər.

Mükafatlandırma mərasimində çıxış edən Humanitar məsələlər üzrə prorektor Gülsüm Fətəliyeva  bildirib ki, hazırda yeniyetmə və gənclərin hərbi-vətənpərvərlik ruhunda tərbiyə olunması, gənclərin asudə vaxtlarının səmərəli təşkil edilməsi, eləcə də onların intellektual və fiziki inkişafının təmin olunması üçün hər cür şərait yaradılıb. Daha ətraflı »

İstanbul universitetinin Su bilimləri fakültəsinin müəlimi, doktor dosent Farhad Çağlıtay Azərbaycan Dövlət Aqrar Universitetinin Baytarlıq təbabəti və zoomühəndislik fakültəsinin balıqçılıq ixtisasının tələbələrinə mühazirə oxuyub, təcrübə dərsləri keçib.

Bu da təbii ki, hər iki universitet arasında bağlanan müqaviləyə əsasən  mütəxəssis hazırlığının keyfiyyətinin yüksəldilməsi, ölkənin balıqçılıq üzrə mütəxəssislərlə təminatının yaxşılaşdırılması prioritetlərdəndir. Bu məqsədlə həyata keçirilən tədbirlərin mühüm istqamətlərindən biri də məhz Türkiyənin aparıcı ali təhsili müəssisələri ilə qarşılıqlı əməkdaşlıqdan keçir. Daha ətraflı »

Azərbaycan Respublikasının Qida Təhlükəsizliyi Agentliyi (AQTA) əhalinin qida təhlükəsizliyi ilə bağlı maarifləndirməsi istiqamətində silsilə tədbirlərini davam etdirir. Bu istiqamətdə növbəti görüş “Sağlam məktəbli” layihəsi çərçivəsində Abşeron rayonu Qobu qəsəbəsi 1 saylı tam orta məktəb, Salyan rayonu Aşıq Pənah adına 1 saylı məktəb-lisey və Gəncə şəhəri 27 saylı məktəb-liseyinin şagirdləri ilə keçirilib.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, “Sağlam məktəbli” layihəsinin əsas məqsədi məktəblilər arasında sağlam qidalanmanın təşviqi, qida təhlükəsizliyi anlayışının təbliği, eləcə də şagirdlərə qida təhlükəsizliyi vərdişlərinin aşılanmasıdır. Daha ətraflı »

Azərbaycan Texnologiya Universiteti (UTECA) 10-12 oktyabr tarixlərində Bakı Ekspo Mərkəzində keçirilən 13-cü Azərbaycan Beynəlxalq Təhsil və Karyera sərgilərində iştirak edib.

Sərginin Texnologiya Universiteti üçün ayrılmış stendində UTECA Texnoparkının məhsulları sərgilənib. Onların arasında elmi əsərlər, patentlər, fəxri mükafatlar, gön-dəri, xalçaçılıq, tikiş məhsulları, şərab və balzamlar və s. məmulatlar olub.

UTECA-nın nəqliyyatda daşınmaların və idarəetmənin təşkili mühəndisliyi və proseslərin avtomaşdırılması ixtisaslarının tələbələri Fərid Məhərrəmov, Tofiq Məmmədovun UTECA1 layihəsi isə sərgi iştirakçılarını tez-tez universitetin stendi ətrafına toplayıb. Daha sərfəli qiymətə və əlverişli daşınmaya, ətraf mühitin mühafizəsinə hesablanmış hibrid avtomobil prototipi ilə daha çox avropalı nümayəndələr maraqlanıblar. Daha ətraflı »

“Bir” rəmzi olaraq ədədlərin başlanğıcı, dostluq, birlik və həmrəyliyin simvoludur. Adını bu dəyərlərdən alan “Bir” Tələbə-Könüllü Proqramı Azərbaycanın Ali Təhsil müəssisələrinin tələbələrinin könüllülük fəlsəfəsi, prinsipləri və dəyərləri çərçivəsində dostluq və həmrəyliyidir. Biz tələbə-könüllülərlə birgə bu dəyərləri aşılamağı və paylaşmağı qarşımıza məqsəd qoymuşuq.

Universitetin Mətbuat və ictimaiyyətlə əlaqələr xidməti xəbər verir ki, bu fikirlər Gəncə Dövlət Universitetində “Bir” Tələbə-Könüllülük proqramının əməkdaşı ilə tələbələrlə keçirilən görüşdə səsləndirilib.

Humanitar məsələlər üzrə prorektor Gülsüm Fətəliyeva  ATU üzrə Kordinator İsmayıl Qaçaylını tələbələrə təqdim edərək,  proqramın əhəmiyyəti haqqında fikirlərini bildirib.

İsmayıl Qaçaylı qeyd edib ki, “Bir” Tələbə-Könüllülük proqramı 14 dekabr 2015-ci ildə fəaliyyətə başlayıb. Daha ətraflı »

BMT-nin qida hüququ üzrə xüsusi məruzəçisi xanım Hilal Elver qida hüququnun təmin edilməsində hökumətin göstərdiyi səyləri araşdırmaq məqsədilə Gəncə şəhərinə səfəri çərçivəsində Azərbaycan Dövlət Aqrar Universitetində (ADAU) olub.

Görüşdə universitetin prorektoru, dosent Anar Hətəmov, səfərdən məmnunluğunu bildirərək, universitetin maddi-texniki bazası, təhsil şəraiti, beynəlxalq əlaqələri və layihələri barədə qonaqlara məlumat verib. Xanım Hilal Elver universitetdə yaradılan şərait, aqrar təhsilin əhəmiyyəti, kənd təsərrüfatının inkişafında özəl sektorun rolun, torpaq üzərində mülkiyyət hüququ, ətraf mühit məsələləri və iqlim dəyişiklikləri, habelə  perspektivə ADAU ilə birgə həyata keçiriləcək layihələr barədə danışıb. Daha ətraflı »

Azərbaycan Prezidentinin Ermənistanın baş naziri Nikol Paşinyanın Xankəndidə səsləndirdiyi “Qarabağ Ermənistandır və nöqtə” sayıqlamasına cavab olaraq onu yalan adlandırması və Qarabağın əzəli, əbədi Azərbaycan torpağı olduğunu vurğulaması cəsarətli, beynəlxalq hüququn normalarına əsaslanan çıxış idi. Milli maraqlara əsaslanan bu bəyanat işğalçı ölkə rəhbərliyinə yerində verilmiş layiqli və tutarlı cavab idi.

 “Qarabağ Azərbaycandır və nida” cavabı qarşı tərəfi kəsərli qılınc kimi kəsərək onların məkrli niyyət və planlarını puç etdi. Prezidentin bu məntiqli bəyanatı bütün dünyaya bir mesajdır.

Universitetin Mətbuat və ictimaiyyətlə əlaqələr xidməti xəbər verir ki, bu fikirlər  Gəncə Dövlət Universitetində keçirilən tədbirdə söylənilib. Daha ətraflı »

Gəncə Dövlət Universitetində psixoloq Zahid Tağıyev ilə tələbələrin görüşü təşkil olunub. Universitetin Mətbuat və ictimaiyyətlə əlaqələr xidməti xəbər verir ki, görüşü Tələbə Gənclər Təşkilatının sədri Orxan Məmmədov açaraq bildirib ki, təhsil müəssisəsi tələbələrin dünyagörüşünün, intellektual səviyyəsinin, mənəvi dünyasının zənginləşdirilməsi, elmi axtarışlara sövq edilməsi, vətənpərvərlik hisslərinin gücləndirilməsi, mütaliə, sosial məsuliyyət vərdişlərinin aşılanması, o cümlədən fərdi özünüifadə bacarıqlarının inkişaf etdirilməsi üçün ardıcıl seminarlar, görüşlər, “dəyirmi masa”lar təşkil edir.

Orxan Məmmədov  mövzunun əhəmiyyətinə toxunaraq, tələbələrin sosial həyatının səmərəli təşkili üçün səylə çalışdığını bildirib. Daha ətraflı »

Dövlət İmtahan Mərkəzində oktyabrın 5-də növbəti SAT imtahanı keçiriləcək.

DİM-dən APA-ya verilən məlumata görə, imtahanda iştirak edəcək şəxslər saat 07.30-dan gec olmayaraq imtahan binasında olmalıdırlar. İmtahana gecikən şəxslər test mərkəzinə buraxılmayacaqlar. İmtahan saat 08.30-da DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında başlayacaq. İmtahanın müddəti 3 saat 45 dəqiqədir (fasiləsiz).

Qeyd edək ki, SAT (Scholastic Aptitude/Assessment Test) müxtəlif siniflərdə təhsil alan məktəb şagirdlərinin oxuma, yazma və riyazi, SAT Subject isə müxtəlif məktəb fənləri üzrə bilik və bacarıqları yoxlayan standartlaşdırılmış, yararlılıq müddəti 5 il olan test imtahanlarıdır. Daha ətraflı »

Azərbaycan Dövlət Aqrar Universitetində təhsil alan xarici tələbələrlə görüş keçirilib. Əcnəbi tələbələrin təhsil şəraiti, ölkə, şəhər və universitet haqqında təəssüratlarını öyrənmək məqsədilə keçirilən tədbirdə universitetin rektoru, AMEA-nın müxbir üzvü, professor İbrahim Cəfərov iştirak edib.

Görüşdə tədris prosesinin daha da təkmilləşdirilməsi, asudə vaxtın səmərəli təşkili məsələləri müzakirə olunub.

Qeyd edilib ki, Aqrar Universitetin beynəlxalq əlaqələrinin genişləndirilməsi, son illərdə yaradılan təhsil şəraiti, xarici dillərdə təhsil proqramlarının mövcudluğu əcnəbi tələbələrin sayının artmasına, onun coğrafiyasının genişlənməsinə səbəb olub. Hazırda universitetdə Gürcüstan, Malayziya, Qazaxıstan, Rusiya, Türkiyədən olan əcnəbi tələbələr təhsil alırlar. Daha ətraflı »