Müstəqil Azərbaycanın müasir tarixində yeni səhifələr açan islahatlar illər ötdükcə bir-birini əvəz edir. Prezident İlham Əliyevin milli maraqlara söykənən uzaqgörən siyasətinin həyata keçirilməsi nəticəsində respublikamız dünyanın nüfuzlu dövlətlərindən birinə çevrilmişdir. Ölkə rəhbərinin konkret hədəflərə hesablanan uğurlu addımları nəticəsində paytaxtla yanaşı, respublikamızın bütün bölgələrində həm abadlıq-quruculuq işləri uğurla aparılır, həm də nəhəng infrastruktur layihələri icra olunur.

Daha ətraflı »

Gəncə Gənclər evi pandemiya dövründə öz fəaliyyətini onlayn olaraq davam etdirməkdədir. Həftəlik və aylıq tədbirlər planı çərçivəsində tədbirlər və dərslər həyata keçirilir, eyni zamanda onlayn olaraq gənclərlə görüşlər hazırlanır. Bildiyimiz kimi, Gəncə Gənclər Evində fəaliyyət göstərən Teatr Klubu «Ölməz Korifeylərimiz Gənclərin Gözü ilə» adlı onlayn yarış keçirib.

Bu günlərdə isə yarışın qalibləri münsiflər heyyəti tərəfindən müəyyən edilib və karantin rejiminin tələblərinə uyğun olaraq təltif olunublar.  Yarışda birinci yerə Leyla Əsgərova, 2-ci yerə Sədaqət İsmayılova, 3-cü yerə isə Günel Zeynalova layiq olub. 

Daha ətraflı »

Prezident İlham Əliyevin Sərəncamına əsasən bir sıra Kütləvi İnformasiya Vasitələrinin nümayəndələri peşə bayramı münasibətilə təltif ediliblər. Mükafatlandırılanlar arasında uzun illərdir «Gəncənin səsi» qəzetində çalışan Füzuli Qasımov (Füzuli Rüzigar) da yer alıb. O, «Tərəqqi» medalına layiq görülüb.
Füzuli Rüzigar (Qasımov Füzuli İmran oğlu) 1948-ci ilin fevral ayının 17-də Gəncə şəhərində anadan olub. İlk olaraq «Azərbaycan gəncləri», «Azərbaycan pioneri» qəzetlərində ştatdankənar müxbirlik edib.

Daha ətraflı »

Bu gün Azərbaycan jurnalistləri peşə bayramlarını qeyd edirlər. 145 il öncə – 1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabinin “Əkinçi” qəzetini nəşrə başlaması ilə Azərbaycan milli mətbuatının əsası qoyulub. “Əkinçi” Azərbaycan dilində əsl milli demokratik və xalq mətbuatının ilk təməl daşını qoydu, cəmi 56 nömrəsi çıxan qəzet millətin aynası oldu, Azərbaycan jurnalistikasının bayraqdarına çevrildi.

Daha ətraflı »

«Atamın bir Gəncəli dostu var idi, mən uşaq olanda tez-tez gedirdik. Sonra öz dostlarım oldu, Gəncəyə gənc yaşlarında müstəqil getməyə başladım və elə o vaxtdandır ki, bu şəhəri sevirəm. 1988 ildə “İzvestiya» qəzetində mənim balaca bir məqaləm çıxdı və necə oldusa Gəncəyə öz tarixi adının qaytarılması təklifim senzuradan keçdi. Bundan sonra mən oldum Gəncənin sevimlisi».

Bu sözləri jurnalist Azər Qəribov Gəncəyə səfər edərkən öz Facebook səhifəsində paylaşıb. Paylaşımı olduğu kimi təqdim edirik: «İllər keçdi o günlərdən, lakin mənim Gəncəyə qarşı münasibətim yalnız möhkəmləndi, eşqim bərkidi, sevgim mükəmməl oldu.

Daha ətraflı »

Gəncə Gənclər evi fəaliyyətini pandemiya dövründə də onlayn formada davam etdirir. Asudə vaxtının səmərəli təşkili, bilik və bacarıqlarının artırılması məqsədi ilə təşkl edilən müsabiqələr, tədbirlər gənclər tərəfindən maraqla qarşılanır.
Gənclər evinin Teatr Klubu “Ölməz korifeylərimiz gənclərin gözü ilə” adlı onlayn müsabiqəsinin keçirilməsində məqsəd ölməz sənətkarlarımızı yeni nəsilə tanıtmaq, gənclərin karantin dövründə asudə vaxtlarının səmərəli keçirilməsinə töhvə vermək və Azərbaycanın teatr və kino mədəniyyətini yeni tərzdə təqdim etməkdir.

Daha ətraflı »

145 il əvvəl — 1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür.
Sonrakı illərdə çoxsaylı nəşrlərlə zənginləşən milli mətbuatımız Azərbaycan ədəbi dilinin və maarifçilik hərəkatının inkişafına əhəmiyyətli töhfələr vermiş, milli özünüdərk və istiqlal məfkurəsinin formalaşmasında, qabaqcıl ideyaların təbliğində böyük xidmətlər göstərmişdir.

Daha ətraflı »

İyunun 29-da Azərbaycan Respublikasının Prezidenti İlham Əliyev və birinci xanım Mehriban Əliyeva “İçərişəhər” Dövlət Tarix-Memarlıq Qoruğunun bir hissəsində aparılan bərpa-konservasiya işləri ilə tanış olublar.
UNESCO-nun Dünya Mədəni İrsi Siyahısına daxil olunan, xalqımızın qədim və zəngin tarixini sübut edən İçərişəhərdə birinci xanım Mehriban Əliyevanın təşəbbüsü və Heydər Əliyev Fondunun dəstəyi ilə həyata keçirilən bərpa-konservasiya işləri Qoşa Qala qapılarını da əhatə edib.
Bu qapılar sonuncu dəfə 1956-1957-ci illərdə təmir edilib. Mütəxəssislərin 2 il əvvəl apardığı müşahidələrin nəticəsinə əsasən abidədə həm daxildən, həm də xarici tərəfdən çatlar, deformasiyalar aşkar olunub.

Daha ətraflı »

Cəmiyyətdə baş verən bütün hadisələr insanlara həm fiziki, həm də mənəvi cəhətdən müəyyən mənada təsir göstərir. Yaranan stress, gərginlik və bu kimi hallar özünü şəxsə görə fərqli formalarda büruzə verir. Bunlardan ən dəhşətlisi isə sözsüz ki, müharibənin törətdiyi psixoloji travmalardır. Çox əfsuslar olsun ki, həyatı müharibə dövrünə təsadüf edənlər bəzən nəinki yaxınlarını, ailə üzvlərini, hətta xəyallarını, arzu və ümidlərini itirirlər. Həmin itirilən ümidlər, həmin qarmaşalıq «Qaşıq» qısametrajlı filmində canlandırılıb.

Daha ətraflı »

Bu gün mənim üçün çox sevindirici bir hadisə baş verib. “Şollerin arxivi” filminin 2-ci hissəsini istehsal etmək üçün “From the Hearts Production Prodakshn”a ssenari təqdim etdik. Bunu “Şollerin arxivi” filminin ssenari müəllifi, quruluşçu rejissoru və baş prodüseri Cəlaləddin Qasımov bildirib.
“From the Hearts Production Prodakshn” 1960-cı ildən Amerika Birləşmiş Ştatlarının Koliforniya ştatının Oksnard şəhərində fəaliyyət göstərir. Prodakşının müxtəlif proqramları var. Belə ki, onun “Roy W.Dean” qrantı 1992-ci ildə təsis olunub və pul mükafatları təqdim edir.

Daha ətraflı »