Layihə QHT-lərə Dövlət Dəstəyi Şurasının maliyyə dəstəyi ilə icra olunur.

“Təmas” Regional İnkişaf  İctimai Birliyi   may  ayından etibarən  Azərbaycan Respublikası  Prezidenti yanında QHT-na Dövlət Dəstəyi Şurasının maliyyə dəstəyi ilə “Insan alveri və potensial insan alveri qurbanlarına  xidmət göstərən Regional Rabilitasiya-Reinteqrasiya Mərkəznin dəstəklənməsi” layihəsinin icrası oktyabr ayında yekunlaşır.

Əsas məqsədi insan alveri və məişət zorakılığından əziyyət çəkən qadın və uşaqları, sosial riskli ailələrdən olan  şəxsləri, sənədsiz insanlari mütəmadi yardımlarla təmin  etmək olan   Mərkəzə  müraciət edən şəxslər təhlükəsiz sığınacaqla təmin olunur, onlara  pulsuz  hüquqi, psixoloji yardımlar göstərilir  və digər sosial  xidmətlər təklif olunur. Layihənin icrası dövründə  Mərkəzdən (sığınacaq) həssas vəziyyətdə olan 193 nəfər qadın və uşaq yararlanıb.  Onlardan10 nəfəri  insan alverinin, 2 nəfəri insan alverinin ehtimal olunan qurbanı, 181   nəfəri isə  insan alverinin potensial qurbanları olublar. Onlardan  92  nəfəri qadın,  101 nəfəri isə uşaq olub. (74 oğlan, 57 qız). Daha ətraflı »

Gəncə Regional Qadın Mərkəzi tərəfindən “Qadınların Liderliyi üzrə Yay məktəbi” layihəsi həyata keçirilib. Layihə ABŞ Beynəlxalq İnkişaf Agentliyinin və Counterpart İnternəşnl təşkilatı tərəfindən maliyyələşdirilib. Layihənin əsas məqsədi gənc qızların müəyyən ixtisas üzrə təhsil aldıqdan sonra müxtəlif sahələrdə iştirakçılığının artırılmasına ictimai vəkillik etməkdir.

Layihədə əsas hədəf qrupları gənc qızlar olub. Müraciət edən 96 qızdan 15 nəfəri layihəyə cəlb edilib. Yay məktəbində Bakı, Gəncə, İmişli, Ağdam, Kəlbəcər, Göygöl, Goranboy, Mingəçevir və Şəmkirdən olan gənc xanımlar iştirak ediblər. Göygöl rayonunun Toğana kəndində təşkil olunan 10 günlük düşərgədə qızlar liderlik, şəxsi və peşəkar inkişaf, gender hüquqarı, marketing, ictimaiyyətlə əlaqələr, biznes bilikləri əldə ediblər. Daha ətraflı »

Azərbaycan Respublikasının Əmək və Əhalinin Sosial Müdafiəsi Nazirliyinin maliyyə yardımı ilə “Təmas” Regional İnkişaf İctimai Birliyinin nəzdində Gəncədə “Ahıllar üçün günərzi qaygı mərkəzi” fəaliyyətini davam etdirir.

Layihə rəhbəri Südabə Məmmədova bildirib ki, artıq mərkəzə 30  ahıl qadın və kişi cəlb olunub. Onların cəmiyyətə inteqrasiya olunmaları üçün müxtəlif fəaliyyətlər həyata keçirilir. Belə ki,  ahılların psixoloji durumu qiymətləndirilir onlara gündəlik inkişaf xidmətləri göstərilir, psixoloji dəstək və məsləhətlər verilir. Layihəyə cəlb olunan pedaqoq tərəfindən ahıllarla maarifləndirmə işi təşkil edilir, mərkəzə cəlb edilən ahılların vaxtının səmərəli təşkili məqsədi ilə müxtəlif tədbirlər müzakirə edilir. Ayda iki dəfə onlar üçün ekskursiyalar təşkil olunur.   Daha ətraflı »

Gəncə Regional Qadın Mərkəzi İctimai Birliyinin icra etdiyi “Ailə qanunvericiliyinin təbliği və məişət zorakılığının qarşısının alınması məqsədilə maarifləndirici tədbirlərin keçirilməsi” layihəsi yekunlaşıb. Sonuncu tədbir Gəncə Maarif Evində baş tutub. Tədbir iştirakçılarına layihə çərçivəsində hazırlnan sosial çarx təqdim olunub.

Görüşdə layihə rəhbəri Məleykə Əlizadə layihə haqqında məlumat verib, onun aktuallığından danışıb. O bildirib ki, layihənin əsas məqsədi maarifləndirmə işini genişləndirməklə genderəsaslı zorakılıqla mübarizə aparmaq, insan haqlarının qorunmasına dəstək verməkdir. Layihənin əsas hədəfi gənclərdir.

Sosial çarxda genderəsaslı zorakılıq hallarından, belə hallara qarşı cəmiyyətin münasibətindən bəhs olunur. Sosial çarxda gender əsaslızorakılıq pislənir və onun qarşısının alınmasının vacibliyi vurğulanır.

Tədbirin sonunda sosialn çarx və layihə barədə yekun müzakirələr aparılıb. Daha ətraflı »

Türkiyənin İzmir şəhərinin Böyükşəhər Bələdiyyəsi və Çiğli Bələdiyyəsinin Məclis üzvü Dəniz Bektaş, Çiğli Bələdiyyəsinin başkan yardımçısı Tülin Koç və Avropa Birliyinin Təhsil və Gənclik Proqramları Mərkəzinin Türkiyə Respublikasındakı nümayəndəliyinin Avropa Könüllülük Xidməti üzrə Çiğli Bələdiyyəsində məsul şəxsi Gülsün Özünal Derse Gəncə şəhərində işgüzar səfərdə olublar. “Odlar Yurdu” Gənclər İctimai Birliyinin dəvəti ilə baş tutan səfər zamanı qonaqlar müxtəlif görüşlərdə iştirak ediblər.

Səfərin əsas məqsədi Gəncə və Bakıda müxtəlif işgüzar görüşlər keçirmək, bələdiyyələrlə görüşərək təcrübə mübadiləsi etmək və gənlər sahəsində müxtəlif layihələrin birgə icrasını həyata keçirməkdir. Səfər çərçivəsində qonaqlar ilk görüş Nizami ( Gəncə ş.) Bələdiyyəsinin sədri Qoşqar Məmmədovla baş tutub.  Daha ətraflı »

"Dekorativ-tətbiqi sənətdə uşaqların özlərini tapması" layihəsi Azərbaycan Respublikası Mədəniyyət Nazirliyinin maliyyə, Gəncə Gənclər Evinin dəstəyi, "Kimsəsiz Uşaqların Sosial Müdafiəsi" İctimai Birliyinin təşkilatçılığı ilə həyata keçirilir. Layihənin hədəf kütləsi valideyn himayəsindən məhrum olan uşaqlardır.

Təşkilatın sədri Lamiyə İsazadə: “Cəmiyyətin həssas üzvləri olan, valideyn himayəsindən məhrum olan uşaqların taleyi dinindən, irqindən asılı olmayaraq hər kəsi düşündürür. Onlar 18 yaşa qədər dövlətin himayəsində olsalar da, onların 18 yaşdan sonrakı həyatları bizləri daha çox narahat edir. Uşaq evi sakinlərinin çox az hissəsi ali məktəblərə qəbul olub ali təhsil alır, öz həyatlarını siğortalayırlar. Bəs təhsil almayan uşaqların aqibəti necə olur?! Əgər həmin uşaqlar heç bir təhsilə, sənətə sahib deyillərsə, küçə həyatı yaşamağa məhkum olurlar. Bu cür xoşagəlməz halların qarşısını almaq üçün bu və ya buna bənzər layihələrin icrasını zəruri hesab edirik. Hazırda icra etdiyimiz "Dekorativ-tətbiqi sənətdə uşaqların özlərini tapması" layihəsinin əsas məqsədi 3 aylıq dekorativ-tətbiqi sənət kursunun təşkili və valideyn himayəsindən məhrum olan uşaqların bu kurslara cəlbidir”. Daha ətraflı »