Saytın ümumi statistikası:

Saytda məqalələrin sayı - 1,046
Saytda ismarıcların sayı - 0

BÖLMƏLƏR

SON NÖMRƏMİZ

FOTOQALEREYA

Ziyarətçilər

Flag Counter

  • 07Янв
    Xəbərlər Комментарии к записи Xalq qəhrəmani Cavad xanın şəhid olmasının ildönümü ilə əlaqədar şəhərimizdə anım günü keçiriləcəkdir отключены

     

    Gəncənin sonuncu xanı Cavad xanın şəhid olmasının ildönümü ilə əlaqədar şəhərimizdə geniş hazırlıq işlərinə başlanılmışdır. Bu məqsədlə Gəncə Dövlət Dram Teatrının kollektivi meydan tamaşası üzərində məşqlərə başlamış, xalq qəhrəmanının adını daşıyan küçədə səliqə-sahman yaradılmasına start verilmişdir.

    Yanvar ayının ikinci ongünlüyündə keçiriləcək anım günündə Heydər Əliyev Fondunun dəstəyi ilə inşa edilmiş Cavad xan məqbərəsi ziyarət ediləcək, burada xalq qəhrəmanının məzarı üstünə gül dəstələri düzüləcəkdir. Sonra Cavad xan küçəsində meydan tamaşasının nümayişinə başlanacaqdır. Tamaşa zamanı aktyorların ifasında Cavad xanın vəsiyyətləri səslənəjək, onun işğalçılara qarşı yenilməz mübarizəsini, həmçinin 1804-jü ilin yanvar ayında bu xalq qəhrəmanının rus generalı Sisianovun başçılıq etdiyi orduya qarşı qeyri-bərabər döyüşlərini  əks etdirən səhnələr özünə yer alacaqdır.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи “Gənclər mərkəzi”nin inşasına start verilmişdir отключены

     

    Bir neçə ay əvvəl özülü qoyulmiş “Gənclər mərkəzi”nin tikintisinə start verilmişdir.

    Gəncə şəhər Gənclər və İdman Baş idarəsinin rəisi Mikayıl Zeynalov demişdir ki, köhnə gənclər sarayının yerində inşa edilən mərkəz şəhər gənclərinin asudə vaxtlarının səmərəli keçirmələrində ən əlverişli məkan olacaqdır. Mərkəzdə gənclərin istirahəti, eləcə də vaxtlarını mənalı keçirmələri üçün hər cür şərait nəzərdə tutulmuşdur. Belə ki, burada inzibati otaqlarla yanaşı, kompyuter və oxu zalları, yaradıcılıq studiyaları, müxtəlif tədbirlərin keçirilməsi üçün konfrans zalı, 3D formatlı sinema klub, 200-250 nəfərin toplaşa biləcəyi dəyirmi zal, idman qurğuları, atıcılıq stendi, elektron kitabxana və sair yaradılacaqdır. Mərkəz gələn il istifadəyə veriləcəkdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Yaxın vaxtlarda şəhərimizdə Qərb regionunda analoqu olmayan yeni çörək zavodu istifadəyə veriləcəkdir отключены

     

    Şəhərimizdə inşa edilən respublikamızın qərb regionunda analoqu olmayan yeni çörək zavodunda son tamamlama işləri görülür. Müəssisədə bişirilən bütün növ çörəklər, demək olar, tamamilə əl əməyi olmadan istehsal ediləcəkdir.“Neon” firmasının nəzdində yaradılan bu yeni müəssisədə gün ərzində 25 tondan artıq çörək istehsal edilməsi nəzərdə tutulmuşdur ki, bununla da cəmi 30 nəfər məşğul olacaqdır. Burada quraşdırılacaq avadanlıqlar Türkiydən gətirilmişdir və quraşdırılacaq “robotlar” kompyuter vasitəsilə idarə olunacaqdır ki, bu da istehsal olunacaq məhsulun gigiyenik normalara əməl olunmasını təmin edəcəkdir. Yeni texnologiyanın tətbiqi məhsulun maya dəyərinin aşağı düşməsinə də təsir göstərəcəkdir. Belə ki, əvvəllər müəssisədə 1 saatda 400 kub mavi yanacaqla istehsal edilən məhsul yeni texnologiya ilə 75 kub yanacaqla istehsal olunacaqdır.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Bu il yüksək nailiyyətlər qazanan idmançı gənclərlə görüş keçirilmişdir отключены

     

    Respublika Təhsil İdman Mərkəzinin Gəncə filialında 2012-ci ildə müxtəlif mötəbər yarışlarda yüksək nailiyyətlər qazanan idmançılarla görüş keçirilmişdir.

    Görüşdə Gəncə pəhləvanı Toğrul Əsgərovun XXX London Yay Olimpiya oyunlarında fəxri kürsünün ən yüksək pilləsinə qalxaraq qızıl medal alması yüksək dəyərləndirılmiş, bu yolda ona daha böyük uğurlar arzulanmışdır. Sonra respublika Təhsil İdman Mərkəzi Gəncə filialı idmançılarının idmanın cüdo, ağır atletika, taekvando, sərbəst güləş və karate növləri üzrə keçirilən beynəlxalq yarışlarda qazandıqları uğurlar barədə ətraflı söhbət açılmışdır.

    Axırda 2012-ci ildə Azərbaycanın idman şərəfini layiqincə qoruyan və beynəlxalq yarışlarda uğurlar qazanan bir qrup idmançıya qiymətli hədiyyələr təqdim olunmuşdur.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи ADAU-nun kollektivi əlillərin qonağı olmuşdur отключены

     

    Ahil qocaları, kimsəsizləri və əlilləri həmişə diqqət mərkəzində saxlayan Azərbaycan Dövlət Aqrar Universitetinin kollektivi bu günlərdə Gəncə şəhər pensiyaçıların ərazi sosial xidməti mərkəzində ahıl və əqli cəhətdən zəif olan insanların yanında olmuşdur.

    Keçirilən səmimi görüşdən sonra ali təhsil müəssisəsinin əməkdaşları apardıqları müxtəlif yeməklərdən ibarət süfrə açmış, ehtiyacı olanlara qış üçün isti paltarlar paylamışlar. Mərkəzin direktoru Kamil Quliyev 109 nəfər əlil və ahıl qocaya göstərdikləri diqqət və qayğıya görə aqrar universitetin müəllimlərinə minnətdarlıq etmişdir. 

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Gəncə Rusiyanın daha bir şəhəri ilə hava əlaqəsi yaratmışdır отключены

     

    İldən-ilə müxtəlif istiqamətlərə uçuşların sayını artıran Gəncə Beynəlxalq Hava Limanında daha bir beynəlxalq aviareys fəaliyyətə başlamışdır. Növbəti reys Gəncə-Novosibirsk marşrutu olmuşdur. Noyabrın 30-dan başlayan yeni uçuşlar hər həftənin çərşənbə günləri yerinə yetiriləcəkdir.

    Gəncə Beynəlxalq Hava Limanından verilən məlumata görə Azərbaycan Hava Yolları Qapalı Səhmdar Cəmiyyəti tərəfindən reallaşan yeni aviareys “Boinq-757” tipli təyyarə ilə həyata keçiriləcəkdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи “Gəncəni yaşıllaşdıraq!” devizi ilə aksiya keçirilmişdir отключены

    Heydər Əliyev Fondunun vitse-prezidenti Leyla Əliyevanın cari ilin iyul ayında təsis etdiyi Ətraf Mühitin Mühafizəsi Üzrə Beynəlxalq Dialoq Təşəbbüsünə qoşulan Gənclər Üçün Təhsil Mərkəzinin Gəncə Regional ofisi “Gəncəni yaşıllaşdıraq!” devizi altında ağacəkmə kampaniyası keçirmişdir.

    İlk tədbir Heydər Əliyev parkında həyata keçirilmişdir. Şəhərimizin ali təhsil müəssisələri tələbələrinin iştirakı ilə keçirilən aksiya zamanı parkda qurumuş ağaclar çıxarılaraq atılmış və yerində 300 ədəddən çox şam, küknar, sərv və çinar ağacları əkilmişdir. Əkilən ağacların suvarılması da həyata keçirilmiş, ətrafda səliqə-sahman yaradılmışdır.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Türkiyədə keçirilən beynəlxalq turnirdə Gəncə cüdoçuları 4 medal qazanmışlar отключены

     

    Şəhərimizin gənc cüdoçuları Türkiyənin Ankara şəhərində “Bir millət, iki dövlət” adı altında keçirilən beynəlxalq turnirdə uğurla çıxış etmişlər. Yeniyetmələr arasında keçirilən yarışda Azərbaycanı Gəncədəki 1 saylı uşaq gənclər idman məktəbinin yeniyetmələri təmsil etmişlər. Gərgin idman mübarizəsi şəraitində keçən birincilikdə 10 nəfərlik heyətlə çıxış edən Gəncə cüdoçuları 1 qızıl, 1 gümüş və 2 bürünc medala sahib olmuşlar. Qaliblərə turnirin medalları və qiymətli hədiyyələr verilmişdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Şəhərimizdə inşa edilən “Şəhidlərin abidə kompleksi”ndə işin sürəti xeyli artırılmışdır отключены

     

    İnşasına keçən il başlanan “Şəhidlərin abidə kompleksi”ndə artıq son tamamlama işləri görülür. Şəhid məzarları yenidən qurulduqdan sonra inşaat işləri hündürlüyü 21 metr, diametri isə 6 metr olan abidə kompleksində davam etdirilir. Hazırda inşaatçılar tikilidə əbədi məşəlin qurulması, abidəyə üzlük plitənin çəkilməsi və ətrafında abadlıq işləri ilə məşğuldurlar. Kompleksin daxilində və xaricində milli ornamentlərdən istifadə etməklə əl ilə oyma daşlardan istifadə olunur.

    4 saylı şəhər qəbiristanlığında şəhidlərin xatirəsinə ucaldılan bu abidə gecə işıqlandırılması ilə də təmin olunacaqdır ki, bu da gecələr kompleksin görüntüsünü möhtəşəm edəcəkdir. Bundan başqa qəbiristanlığa giriş qapısından  abidəyədək olan yol asvaltlanmaqla, hər iki tərəfində yeni səkilər salınacaqdır. Havaların əlverişli keçməsindən səmərəli istifadə edən inşaatçılar  kompleksin gələn il istifadəyə verilməsini nəzərdə tutmuşlar. 

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 04Дек
    Xəbərlər Комментарии к записи Qanvermə aksiyasında 2 mindən artıq insan donorluq etmişdir отключены

     

    Aşura günündə təşkil edilmiş qanvermə aksiyasında minlərlə gəncəli iştirak etmişdir.

    Səhər saatlarından İmamzadə ziyarətgahına gələn minlərlə dindar Kəlbəla şəhidləri ilə yanaşı, müqəddəs torpaqlarımız uğrunda gedən döyüşlərdə həlak olan mərd oğul və qızlarımızı da yad edərək onların ruhuna dualar oxumuş, milli-mənəvi dəyərlərimizə hörmətlə yanaşan, onun qorunmasına qayğı göstərən, son illər İmamzadə ziyarətgahında aparılan abadlıq və yenidənqurma işlərinə görə ölkə başçısı İlham Əliyevə, eləcə də bu sahədə əvəzsiz xidmətlər göstərən respublikamızın birinci xanımı Mehriban Əliyevaya dərin minnətdarlıqlarını bildirmişlər.

    Əvvəlki illərdən fərqli olaraq bu dəfə insanlar daha sivil qaydada keçirilən mərasimdə zəncir vurmaq, baş yarmaq və sair bu kimi hərəkətlərə yol verməmiş, əksinə xeyirxah əməlin sahibi olmaq üçün qana ehtiyacı olan xəstələrin təminatında könüllü olaraq iştirak etmişlər. Bunun üçün şəhər səhiyyə idarəsi keçiriləcək qanvermə aksiyasına ciddi hazırlıq işləri gömüş, yaradılmış həkim briqadaları qan vermək üçün müraciət edən insanların sağlamlıq durumunu yoxlayaraq onlardan qan götürmüşlər.İki gün ərzində keçirilən aksiya zamanı 2 mindən artıq insanın verdiyi qan respublika qan bankına göndərilmişdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
Страница 102 из 104« Первая...102030...100101102103104