Saytın ümumi statistikası:

Saytda məqalələrin sayı - 2,259
Saytda ismarıcların sayı - 0

BÖLMƏLƏR

SON NÖMRƏMİZ

FOTOQALEREYA

Ziyarətçilər

Flag Counter

  • 08Апр

     

    Vaxtı ilə hətta rəsmi adı olmayan və gəncəlilərin dediyi kimi «Dəmiryolunun altı» adlandırılan yaşayış massivinin vəziyyəti olduqca acınacaqlı idi. Azərbaycan Prezidenti İlham Əliyevin sərəncamı ilə yaradılan beş qəsəbədən biri olan Şıxzamanlı qəsəbəsi adı çəkilən ərazini əhatə edir. Qəsəbə az bir vaxtda abadlaşdırılmağa başlandı. Nəticə isə göz qabağındadır. 1,6 kilometr uzunluğu olan Azərbaycan, eləcə də Ağamalıoğlu və Həmid Sultanov küçələri asfaltlaşdırılıb. Piyadalardan ötrü səkilər qurulub. Ərazinin işıqlandırılması üçün 70-ə yaxın işıqlandırma dirəyi basdırılıb, yol kənarına həmişəyaşıl ağaclar əkilib. Qəsəbənin ictimai nəqliyyat işləyən sahələrində dayanacaqlar quraşdırılıb. Daha ətraflı »

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 08Апр

    Gəncə Şəhər İcra Hakimiyyətində Türkiyənin qədim şəhərlərindən olan Eskişehir arasında qardaşlaşmış şəhərlər protokolu imzalanmışdır.

    Bu məqsədlə Gəncəyə səfər edən Eskişehir valisi Kadir Koçdemir və bu ölkənin Gəncədəki Baş konsulu Haluk Ağca ilə şəhər icra hakimiyyətində görüş keçirilmişdir. Görüşdə Gəncə Şəhər İcra Hakimiyyətinin Başçısı Elmar Vəliyev qardaş ölkənin ən qədim şəhərlərindən olan Eskişehir valisinin Gəncəyə səfərindən məmnun olduğunu bildirmiş və Azərbaycanın ikinci böyük şəhəri haqqında, onun iqtisadiyyatı, mədəniyyəti, eləcə də ölkə başçısının diqqət və qayğısı ilə burada aparılan böyük abadlıq və quruculuq işləri barədə qonaqlara ətraflı məlumat vermişdir. Elmar Vəliyev bildirmişdir ki, hazırda Gəncədə iki böyük yubileyə — ümummilli lider Heydər Əliyevin 90 və böyük Azərbaycan şairəsi Məhsəti Gəncəvinin yaradıcılığının 900 illiyinə hazırlıq işləri gedir. 360 hektarlıq sahədə yerləşən Heydər Əliyev parkında ulu öndərin adını daşıyan mərkəzin tikintisi sürətlə davam etdirilir. Məhsəti Gəncəvi mərkəzinin inşası da uğurla aparılır. Bundan başqa xalq qəhrəmanı Cavad xanın heykəlinin ucaldılması, Mirzə Şəfi Vazeh adına parkın salınması və parkda onun heykəlinin ucaldılması da nəzərdə tutulmuşdur. Gəncədə təhsilin, səhiyyənin, eləcə də mədəniyyətin inkişafı sahəsində görülən işləri diqqətə çatdıran Elmar Vəliyev bu il xeyli sayda məktəbin tikildiyini və əsaslı şəkildə təmir edildiyini söyləmiş, səhiyyə ocaqlarının yenidən qurulduğunu qonaqların nəzərinə çatdırmışdır. Daha ətraflı »

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Ümummilli lider Heydər Əliyevin 90 illik yubileyi münasibəti ilə çoxcildlik kitab hazırlanır отключены

    Ümummilli liderimiz Heydər Əliyevin 90 illiyi ilə əlaqədar Gəncə Şəhər İcra Hakimiyyəti Başçısının sərəncamı ilə AMEA Gəncə bölməsinin əməkdaşları tərəfindən “Ulu öndər” adlı 5 cildlik, həmçinin Heydər Əliyev Fondunun 9 illik fəaliyyətinə həsr edilmiş 2 cildlik kitab hazırlanır.
              Bu barədə mərkəzin direktor müavini Samir Pişnamazzadə demişdir ki, toplunun birinci cildi «Heydər Əliyev və Gəncə» adlanır. Burada ulu öndərin respublikamızın ikinci sənaye və mədəniyyət mərkəzi olan Gəncəyə səfərləri, gəncəlilərə diqqət və qayğısından danışılır. İkinci cild «İlham Əliyev və Gəncə» adlanır və burada ölkə başçısının şəhərimizin inkişafı istiqamətində apardığı işlərdən bəhs olunur. Üçüncü cild «Heydər Əliyev və Qafqazda sülh siyasəti» adlanır. Bu cilddə ulu öndərin Qafqazda sülhün bərqərar olması üçün gördüyü işlər öz əksini tapacaqdır. Dördüncü cild «Heydər Əliyev və Azərbaycan Mədəniyyəti» və nəhayət beşinci cild «Heydər Əliyev və Azərbaycan ədəbiyyatı» adlanır.
            Heydər Əliyev Fondunun 9 illik fəaliyyətinə həsr edilmiş digər 2 cildlik isə «Heydər Əliyev Fondu milli yaddaşın keşiyində» adlanır. Hazırda kitablar üzərində redaktə işləri aparılır. Nəfis şəkildə çap ediləcək çoxcildlik gəncəlilərin dahi rəhbərin yubileyinə ən böyük töhfələrindən biri olacaqdır.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Azərbaycan teatrı – 140. Səhnə fədailər üçündür отключены

    Müsahibimiz Gəncə Dövlət Dram Teatrının direktoru, respublikanın əməkdar mədəniyyət işçisi  Əli Qasımovdur.

     — Əli müəllim, bilirik ki, uzun illərdir teatr sahəsində çalışırsınız. Nizami poeziya teatrına rəhbərlik etmisiniz. 2008-ci ildə bəzi islahatlarla əlaqədar poeziya teatrı Gəncə Dövlət Dram Teatrının tərkibinə daxil olduqdan sonra siz respublika Mədəniyyət və Turizm Nazirliyinin qərarı ilə GDDT-na direktor təyin olunmusunuz. Bu sahədə əldə etdiyiniz uğurlarınız, mədəniyyətimizin inkişafına sərf etdiyiniz səmərəli fəaliyyətiniz dövlətimiz tərəfindən yüksək qiymətləndirilib və sizə bu yaxınlarda respublikanın əməkdar mədəniyyət işçisi fəxri adı verilib. Peşəkar bir mədəniyyət işçisi kimi Gəncə teatrının bugünkü ümumi vəziyyəti haqqında nə deyə bilərsiniz?

    — Gəncə Dövlət Dram Teatrı hal-hazırda özünün 118-ci mövsümünü yaşayır. Böyük tarixə malik teatrın uzun illər öz yaradıcılıq dəst-xətti olmuş və respublika teatrları arasında həmişə öz yaradıcılıq üslubu və potensial gücü ilə fərqlənmişdir. Doğrudur, keçid dövrü illərində GDDT-də də digər teatrlar kimi tənəzzül dövrü yaşanmış və öz tamaşaçılarını demək olar ki, itirmişdi. Bunun obyektiv və subyektiv səbəbləri vardır. Lakin son illəri və hal-hazırkı dövrü nəzərə alsaq, müstəqillik əldə etdikdən sonra ulu öndərin və onun layiqli davamçısı möhtərəm Prezidentimiz cənab İlham Əliyevin Azərbaycan teatr sənətinə böyük diqqəti və qayğısı nəticəsində, demək olar ki, bir çox teatrlarda, eləcə də GDDT-də inkişafa doğru əsaslı dönüş əmələ gəlmişdir. Daha ətraflı »

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи “Nizami” kinoteatrı təmir ediləcək отключены

     

    Şəhərimizdəki “Nizami” kinoteatrının cari ildə əsaslı təmir edilməsi nəzərdə tutulmuşdur.

    Vaxtilə müxtəlif ölkələrin kino festivalları keçirilən kinoteatr binası 1986-cı ildən indiyədək bir dəfə də olsun təmir edilmədiyindən demək olar ki, istifadəyə yararsız vəziyyətə düşmüşdür. 300 yerlik 2 kino zalı olan kinoteatrda istilik sisteminin, eləcə də texniki qurğuların sıradan çıxması nəticəsində fəaliyyəti dayandırılmış, ancaq yay aylarında müxtəlif məqsədlər üçün istifadə edilmişdir. Hazırda şəhərdə aparılan abadlıq və quruculuq işləri çərçivəsində bu mədəniyyət ocağının da təmiri nəzərdə tutulmuşdur. Artıq binanın əsaslı təmiri üçün layihə sənədlərinin hazırlanmasına başlanılmışdır. Sənədləşmə işləri başa çatdırıldıqdan sonra binanın əsaslı təmirinə başlanacaqdır.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Yaponiyanın “ŞARP” korporasiyasının şəhərimizdə yeni satış mərkəzi fəaliyyətə başlamışdır отключены

     

    Yaponiyanın “ŞARP” korporasiyası şəhərimizdə özünün yeni satış mərkəzini açmışdır. Açılış mərasimində çıxış edən şirkətin nümayəndələri Bakıdan sonra respublikanın ikinci böyük şəhəri olan Gəncədə belə bir mərkəzin açılmasını Azərbaycanda satış mərkəzləri şəbəkəsinin genişləndirilməsində mühüm addım kimi dəyərləndirmiş və əsas məqsədin Yaponiyanın yeni texnologiyalarının Azərbaycanda istehlakçılara təqdim etməkdən ibarət olduğunu diqqətə çatdırmışlar.

    “ŞARP” korporasiyasının yerli və xarici nümayəndələrin, eləcə də Gəncənin iş adamlarının iştirakı ilə keçirildiyi mərasimdə qonaqlara satış mərkəzində yeni çeşid və münasib qiymətlərlə təklif olunan məişət texnikası barədə ətraflı məlumat verilmişdir. Bildirilmişdir ki, yeni mağazada alıcılar evlərində rahatlıq və zövq yaradacaq müxtəlif yapon texnikasını güzəştli qiymətlərlə kreditlə almaq imkanı əldə edəcəklər. 

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Diabet xəstəliyinin profilaktikasına həsr olunmuş treninq keçirilmişdir отключены

     

    Şəhər səhiyyə idarəsində “Regionlarda endokrin xidmətinin və diabet məktəblərinin təkmilləşdirilməsi” mövzusunda treninq keçirilmişdir.

    Respublika Səhiyyə Nazirliyi Endokrinoloci Mərkəzin təşkilatçılığı ilə keçirilən 5 günlük treninqdə profilaktik tədbirlərə, xəstələrə göstərilən tibbi yardımın təkmilləşdirilməsinə, eləcə də xəstəlik nəticəsində meydana çıxan fəsadların qarşısının alınması istiqamətində görülməsi vacib olan məsələlərə həsr olunmuş müxtəlif məruzələr dinlənilmişdir. Treninqdə şəkərli diabetə düçar olmuş uşaq və gənclər üçün yay düşərgələrinin təşkili, onların tibb işçiləri və tibbi ləvazimatlarla təmin edilməsi, həmçinin xəstələrin vahid elektron registrinin və məlumat bazasının yaradılması barədə də ətraflı məlumat verilmişdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Xüsusi ehtiyacı olan uşaqlar tamaşa göstərmişlər отключены

     

    Azərbaycana Birgə Yardım Təşkilatının Gəncə icma əsaslı reablitasiya mərkəzinin balaca üzvləri Novruz bayramı münasibətilə tamaşa göstərmişlər. Bu barədə məlumat verən mərkəzin koordinatoru Rəzalə Abbasova  demişdir ki, 2003-cü ildən fəaliyyət göstərən mərkəzdə indiyədək 369 uşaq reablitasiyadan keçmişdir. Hazırda burada 52 nəfər xüsusi qayğıya ehtiyacı olan uşaq təlim proqramlarında iştirak edir və demək olar ki, onların əksəriyyətində müsbət dəyişikliklər müşahidə olunur. Elə bu dəyişikliyi cəmiyyətə göstərmək məqsədilə Novruz bayramına həsr edilmiş tamaşa hazırlamağı qərara aldıq. İstəyimiz uğurla həyata keçdi və Gəncə Dövlət Dram Teatrının səhnəsində nümayiş olunan tamaşa alqışlarla qarşılandı.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи Şəhərimizdə stolüstü tennis üzrə respublika birinciliyi keçirilmişdir отключены

     

    Gəncə stolüstü tennis üzrə respublika birinciliyinə ev sahibliyi etmişdir. Gənclər və İdman Nazirliyinin Azərbaycan Stolüstü Tennis Federasiyasının birgə təşkilatçılığı ilə keçirilən yarışlarda iki yaş qrupunda, 1995-1997-ci və 1998-ci il təvəllüdlü gənclər öz qüvvələrini sınamışlar.

    Yarışın baş hakimi Fərhad İsmayılov demişdir ki, Bakı, Gəncə, Sumqayıt, Şabran, Şəki, Qax, Şirvan, Salyan, Samux, Daşkəsən və Gədəbəydən ümumilikdə 12 komandanın mübarizə apardığı yarışların keçirilməsində əsas məqsəd iyul ayında Çexiya Respublikasında keçiriləcək yeniyetmələr arasında Avropa birinciliyinə ən güclü Azərbaycan tennisçisini müəyyən etməkdir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
  • 29Мар
    Xəbərlər Комментарии к записи “Muğam aləmi” III beynəlxalq muğam festivalı çərçivəsində şəhərimizdə yekun konserti uğurla keçmişdir отключены

     

    Heydər Əliyev Fondunun, Mədəniyyət Nazirliyinin və Azərbaycan Bəstəkarlar İttifaqının birgə təşkilatçılığı ilə keçirilən “Muğam aləmi” III Beynəlxalq Muğam Festivalının şəhərimizdə keçirilən yekun konserti tamaşaçıların alqışları ilə başa çatmışdır.

    Gəncə Dövlət Dram Teatrında keçirilən yekun konsertində çıxış edənlər festivalın əhəmiyyətindən, eləcə də milli-mənəvi dəyərlərimizin qorunub saxlanılmasında onun əvəzsiz rolundan danışmışlar. Sonra əməkdar artist Fikrət Verdiyevin rəhbərliyi ilə “Göygöl” Dövlət Mahnı və Rəqs ansamblının üzvləri, eləcə də şəhərin müxtəlif musiqi məktəblərində muğamın sirlərini öyrənən balaca ifaçılar öz məharətlərini göstərmiş, tamaşaçıların alqış sədaları altında “Heyratı”, “Rast”, “Qatar”, “Şur” və sair  muğamlardan parçalar, eləcə də təsniflər oxumuşlar. Balaca müğənnilərdən Cəlil Məmmədovun, Müzəffər Yusifovun, Firuz Həmidovun, Xəyal Qasımovun və başqalarının ifa etdikləri muğam və təsnifləri maraqla dinləyən tamaşaçılar bir daha əmin olmuşlar ki, Azərbaycanın muğam sənəti ölməzdir və onu gələcək nəsillərə çatdırmaq üçün Heydər Əliyev Fondu ölkəmizdə məqsədyönlü işlər həyata keçirir.

    Опубликовать в Facebook
    Опубликовать в Google Plus
    Опубликовать в Одноклассники
    Опубликовать в Мой Мир
    Опубликовать в Яндекс
Страница 219 из 226« Первая...102030...217218219220221...Последняя »