Daxili işlər orqanlarının əməkdaşları Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazilərində karantin rejiminin sərtləşdirilməsi ilə bağlı tələblərə əməl olunmasına nəzarəti davam etdirir.
Sərtləşdirilmiş karantin rejiminə polis əməkdaşları və Daxili Qoşunların hərbi qulluqçuları tərəfindən nəzarət edilir. Xidməti avtomobillərlə xüsusi səsgücləndirici qurğu vasitəsilə vətəndaşlara karantin rejimi ilə bağlı məlumatlar verilir.

Daha ətraflı »

YAP Gəncə şəhər təşkilatı Gənclər Birliyinin gəncləri tərəfindən 15 iyun Azərbaycan xalqının Milli Qurtuluş Gününə həsr olunmuş videoçarx hazırlanıb.

”Biz özümüz öz taleyimizin sahibiyik” adlı videoçarxda 15 iyun 1993-cü ildə Azərbaycan xalqının təkidli tələbi ilə ikinci dəfə hakimiyyətə gələn Ümummilli lideri Heydər Əliyevin ölkəmizi parçalanmaqdan qoruması, dahi şəxsiyyətin Azərbaycan tarixindəki əvəzolunmaz rolu,silinməz yeri vurğulanıb.

Daha ətraflı »

İmtahan nəticələrinin yaxın üç həftə ərzində elan edilməsi nəzərdə tutulur.
Dövlət İmtahan Mərkəzində (DİM) iyunun 10-da və 11-də keçirilmiş tam (11 illik) orta təhsil səviyyəsi üzrə təhsilalanların yekun qiymətləndirilməsi (attestasiyası) imtahanın yazı işlərinin yoxlanılması prosesinə hazırlıq işləri görülür.
DİM-dən bildirilib ki, hər iki günün imtahanı üzrə bütün şagirdlərin cavab vərəqləri skan edilərək onların şifrələnmiş elektron faylları hazırlanıb. Bu zaman şagirdlərin cavab vərəqlərinin elektron təsvirlərindən onların bütün şəxsi məlumatları proqram tərəfindən avtomatik silinir.

Daha ətraflı »

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 25 dəfə pozub.
Müdafiə Nazirliyinin mətbuat xidmətindən AZƏRTAC-a bildirilib ki, Ermənistan Respublikası Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Daha ətraflı »

İyunun 9-da Azərbaycan Respublikasının Prezidenti İlham Əliyevin və birinci xanım Mehriban Əliyevanın iştirakı ilə üç modul tipli xəstəxananın açılışı olub.
Bunlar paytaxtın Bilgəh qəsəbəsində, həmçinin Sumqayıt şəhərində və Abşeron rayonunun Saray qəsəbəsində quraşdırılan modul tipli xəstəxana kompleksləridir. Beləliklə, daha üç modul tipli xəstəxana istifadəyə hazırdır.

Bu, COVID-19 pandemiyasının ölkəmizdə yayılması ilə mübarizədə olduqca mühüm əhəmiyyət kəsb edir.

Daha ətraflı »

Çörək məhsullarının istehsalına iyunun 15-i saat 16:00-dan etibarən icazə veriləcək.
İyunun 14-ü saat 00:00-dan 16 iyun 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında tətbiq edilən qadağa müddətinin ikinci günü çörək məhsullarının istehsalına icazə veriləcək.

Daha ətraflı »

Gəncə Şəhər İcra Hakimiyyəti rəhbərliyinin tapşırığı və MKTİB-nin rəisi İlham Quliyevin göstərişi ilə şəhərdə görülən abadlıq işləri durmadan davam edir. Qeyd edək ki, bu işlərin nəzarəti rəis müavini Elşad Əsgərova və baş mexanik Naqif İbişova əvalə olunub.
Belə ki, Gəncənin Avropa parkında kütləvi gül əkini işlərinə başlanılıb. Parkın daha yaxşı görkəm alması üçün bura bir neçə növ dekorativ kol və gül-çiçək gətirilib. Bu dekorativ bəzək gül, kol və ağacların düzgün əkilməsi və becərilməsi üçün Bakı şəhərindən mütəxəssislər gətirilib. Burada çoxillik və mövsümü bitkilər əkilir.

Daha ətraflı »

Azərbaycan Respublikası ərazisində yeni nov koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilib və son günlərdə virusa yoluxma sayı, xəstəliyin yayılma dinamikası nəzərə alınaraq, ölkə üzrə xüsusi karantin rejiminin 1 iyul 2020-ci il saat 00:00-dək uzadılmasına qərar verilib.
Nazirlər Kabineti yanında Operativ Qərargahdan verilən məlumata görə, Azərbaycanda virusa ilk yoluxma faktının qeydə alındığı tarixdən bu günədək COVID-19 testi müsbət çıxmış 8191 nəfər aşkarlanıb, hazırda isə 3487 aktiv xəstə müalicəsini xüsusi karantin rejimli xəstəxanalarda davam etdirir.

Daha ətraflı »

Azərbaycan polisi həmişə xalqın və dövlətin mənafeyinə ləyaqətlə xidmət edib, ölkədə ictimai asayişin, təhlükəsizliyin mühafizəsi, əmin-amanlığın qorunması, cinayətkarlığa qarşı mübarizə aparılması kimi məsuliyyətli vəzifələri vicdanla yerinə yetirib. Onların böyük vətəndaşlıq məsuliyyətini, cəsarətini hər zaman yüksək qiymətləndirən Ulu öndər Heydər Əliyev Azərbaycan polisini ölkənin, xalqın keşiyində duran mübariz bir dövlət orqanı kimi dəyərləndirib.

Daha ətraflı »

Azərbaycan Dövlət Aqrar Universitetində (ADAU) Heyvandarlıq Elmi-Tədqiqat İnstitutu və Respublika Süni Mayalanma Mərkəzi ilə birgə “Heyvandarlığın qarışıq qüvvəli yemlə təminatı və damazlıq işinin təşkili” mövzusunda onlayn elmi-praktik konfrans keçirilib.
Konfransın məqsədi Prezident İlham Əliyevin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında kənd təsərrüfatı məhsullarının istehsalına və emalına dair Strateji Yol Xəritəsi”ndə heyvandarlığın qarışıq qüvvəli yemlə təminatının yaxşılaşdırılması və damazlıq işinin inkişaf etdirilməsi prioritetindən irəli gələn vəzifələrin yerinə yetirilməsi vəziyyətinin müzakirəsi, həyata keçirilən sistemli tədbirlərin qiymətləndirilməsi və elmi cəhətdən əsaslandırılmış təkliflərin verilməsindən ibarət olub.

Daha ətraflı »