“Azərbaycan Prezidenti cənab İlham Əliyevin rəhbərliyi ilə son illər ərzində iqtisadiyatın davamlı və rəqabətqabiliyyətli inkişafı istiqamətində çox şaxəli islahatlar həyata keçirilib və bu proses davam etməkdədir. Bu islahatlar nəticəsində əhalinin həyat səviyyəsinin yaxşılaşdırılması, ələxsusda əhalinin məşğulluğu 2019-cu il ərzində ən prioritet sahələrdən biri və demək olar ki, birincisi olub”.

Daha ətraflı »

Koronavirus pandemiyasının bəşəriyyəti sınağa çəkdiyi günlərində xalqımız bir daha ən yaxşı xüsusiyyətlərini nümayiş etdirdi. Vətənimizin təhlükəsizliyi, insanların sağlamlığının qorunması naminə hər kəs birlik oldu, yenilməzlik nümayiş etdirdi. Cəsarətli tibb işçilərimiz, könüllü gənclərimiz, hərbi qulluqçularımızla yanaşı polis əməkdaşları da fədakar fəalliyyətləri, nümunəvi davranışları ilə soydaşlarımızın təhlükəsizliyi keşiyində ayıq-sayıq dayandılar.

Daha ətraflı »

Nazirlər Kabineti yanında Operativ Qərargahın qərarı ilə mart ayından başlayan karantin rejiminin 15 iyunadək uzadılmasına baxmayaraq, qaydalar bir qədər yumşaldılıb və bir çox ticarət obyektləri, kafe və restoranlar fəaliyyətə başlayıb. Ancaq bununla belə yoluxma hallarının artması riski davam etdiyi dövrdə əhalinin şəxsi gigiyena, eləcə də tibbi-profilaktik qaydalara əməl etməsi vacibdir.

Daha ətraflı »

Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 24 dəfə pozub.
Müdafiə Nazirliyinin mətbuat xidmətindən AZƏRTAC-a bildiriblər ki, Ermənistanın Berd rayonunun Çinari kəndində yerləşən mövqelərdən Tovuz rayonunun Muncuqlu kəndində, Krasnoselsk rayonunun Cil kəndində və adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Daha ətraflı »

1818-ci ildə Gəncə şəhərində ilk poçt kontoru açılıb.
Azərbaycanda poçt rabitəsinin yaradılmasından 202 il ötür. Ölkəmizdə poçt rabitəsi Səfəvilərin hakimiyyəti dövründə (XVI əsr) inkişaf etməyə başlayıb. Müasir formada poçtun yaranması isə XIX əsrin 1-ci qərinəsinə təsadüf edir. 1818-ci ildə Gəncə şəhərində ilk poçt kontoru açılıb. 1826-cı ildə Bakıda, 1828-ci il martın 12-də isə Naxçıvanda poçt ekspedisiyası təşkil edilib. Rusiya ilə Zaqafqaziyanın ticarət əlaqələrini inkişaf etdirmək üçün 15 iyun 1830-cu ildə Şamaxı, Şuşa şəhərlərində 1-ci dərəcəli poçt kontorları, 1861-ci ildə ilk dəfə olaraq Xəzər dənizi ilə Qafqazın və İranın Rəşt və Astarabad limanları arasında dəniz poçt mübadiləsi yaradılıb.

Daha ətraflı »

Ali təhsil müəssisələrinə tələbə qəbulu ilə bağlı subbakalavrların əri­zələrinin qəbulu iyunun 1-dən 15-dək internet vasitəsilə aparılır.

Dövlət İmtahan Mərkəzindən (DİM) verilən məlumata görə, subbakalavrlar DİM-in internet saytının ekabinet.dim.gov.az səhifə­sin­də “Şəxsi kabinet” yaratdıqdan sonra şəxsi kabi­netinin istifadəçi adı və parolundan istifadə etmək­lə mü­va­fiq internet səhifəsinə daxil olub, “Subbakalavrın elektron ərizəsi” formasını təsdiq edirlər.

Daha ətraflı »

“Layihədə nəzərdə tutulan 50 manat uyğun məbləğ deyil”. Bunu Milli Məclisin Əmək və soail siyasət komitəsinin sədri Musa Quliyev parlamentin bu gün keçirilən iclasında İnzibati Xətalar Məcəlləsində dəyişikliklərin müzakirəsi zamanı deyib.
O bildirib ki, bu məbləği 20-25 manata endirməlidir:
“Onu da qeyd edim ki, qanunu pozanlar çox vaxt elə pulu olmayan insanlar olur. Digər tərəfdən kurslarla bağlı məsələyə də baxılmalıdır. Ara məsafəsi gözlənilməklə, maskadan istifadə etməklə kurslar öz fəaliyyətini davam etdirməlidir”.

Daha ətraflı »

Heydər Əliyev: “Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır”. Xalqın, dövlətin ən qiymətli sərvəti uşaqlardır. Bu səbəbdən də tarixən hər bir dövlət və cəmiyyət gələcəyi olan uşaqların qayğısına qalmağı, onların fiziki və mənəvi cəhətdən böyüməsini təmin etməyi özünün ən ümdə vəzifələrindən biri hesab edib.
Respublikamızda da bu mühüm məsələyə daim diqqət və qayğı ilə yanaşılır. Uşaqların hərtərəfli şəxsiyyət və layiqli vətəndaş olaraq formalaşmaları müstəqil Azərbaycan Respublikasının dövlət uşaq siyasətinin aparıcı istiqamətini təşkil edir.

Daha ətraflı »

Bu gündən, iyunun 1-dən yaşı 8-dən yuxarı olan uşaqların fərdi təhsilə cəlb olunması üçün qeydiyyat başlayır.

Bununla bağlı valideynlər www.mektebeqebul.edu.az saytında qeydiyyatdan keçdikdən sonra iyunun 1-dən yerli təhsili idarəetmə orqanlarında yaradılmış müvafiq komissiyaya müraciət etməlidirlər.

Müraciətlərin qəbulu həftənin II və IV günləri yaşayış yerindən arayış, 2 ədəd 3×4 rəngli fotoşəkil, valideynin (və ya qanuni nümayəndənin) və uşağın şəxsiyyətini təsdiq edən sənəd, ehtiyac yaranarsa, sağlamlıq haqqında arayışla (forma 26U) həyata keçiriləcək.

Daha ətraflı »

Bu gün Uşaqların Beynəlxalq Müdafiəsi Günüdür.
1950-ci il iyunun 1-də BMT Baş Assambleyasının qəbul etdiyi qərara əsasən dünyanın hər yerində qeyd edilən bu günün əsas məqsədi uşaq hüquqlarının qorunmasını bir daha qabartmaqdır. Lakin dünyada hələ də uşaqlar təcavüzə, zorakılığa, irqi və milli ayrı-seçkiliyə, deportasiya və soyqırımlarına məruz qalırlar.

Təəssüf ki, onların içərisində Ermənistann apardığı müharibə nəticəsində uşaqlıqları, yaşamaq və sağlam böyümək haqları çalınıb qəsd edilən, atəşkəs rejimində belə düşmənin ölüm saçan güllələrinin hədəfində, atəş səsləri altında dünyaya göz açan və böyüyən minlərlə məsum, günahsız azərbaycanlı uşaqlar da var.

Daha ətraflı »