Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 23 dəfə pozub.

Müdafiə Nazirliyinin mətbuat xidmətindən AZƏRTAC-a bildirilib ki, Ermənistan Respublikası İcevan rayonunun Ayqeovit kəndində yerləşən mövqelərdən Qazax rayonunun Bala Cəfərli kəndində, Berd rayonunun Çinari, Ayqedzor kəndlərində yerləşən mövqelərdən Tovuz rayonunun Ağbulaq, Qaralar kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli kəndində yerləşən mövqelərimiz atəşə tutulub. Daha ətraflı »

Azərbaycan Respublikasının Prezidenti İlham Əliyev Naxçıvan Muxtar Respublikası Ali Məclisinin Sədri Vasif Talıbovu qəbul edib.

Naxçıvan Muxtar Respublikasının inkişafının daim diqqət mərkəzində olduğunu bildirən Prezident İlham ƏLİYEV dedi:

-Naxçıvan Muxtar Respublikasının inkişafı daim diqqət mərkəzindədir. Respublikada gedən abadlıq-quruculuq işləri məni çox sevindirir. Naxçıvan son illər ərzində böyük dərəcədə inkişaf etmişdir, həm sosial sahədə, iqtisadi sahədə, sənaye potensialının möhkəmləndirilməsi istiqamətində böyük addımlar atılmışdır. Bu, çox sevindiricidir. Xüsusilə nəzərə alsaq ki, Naxçıvan uzun illər ərzində mühasirə şəraitində yaşayır, üç tərəfdən düşmənlə əhatə olunub. Buna baxmayaraq, respublika yaşayır, güclənir və böyük inkişaf yolunu davam etdirir. Daha ətraflı »

Mehriban Əliyeva Avropa və dünyada genişmiqyaslı mədəni və sosial layihələrə verdiyi dəstəklə böyük nüfuz qazanıb.

Türkiyənin nüfuzlu "Türkiye" qəzetində jurnalist Yücel Koçun qələmə aldığı Azərbaycan Respublikasının Birinci vitse-prezidenti Mehriban Əliyeva haqqında "Qardaş ölkədə nələr olur? Mehriban Əliyeva ilə Azərbaycanda dəyişiklik rüzgarı" ("Kardeş ülkede neler oluyor? Mihriban Aliyeva ile Azerbaycan’da değişim rüzgârı") adlı geniş məqalə dərc olunub.

"Report"un xəbərinə görə, məqalədə qeyd olunur ki, Azərbaycan Prezidenti İlham Əliyev ictimaiyyətdən yüksələn səslərə biganə qalmadı. Birinci vitse-prezident vəzifəsinə Mehriban Əliyevanın gətirilməsi ilə dəyişikliyin düyməsinə basıldı. Ölkədəki köhnə vərdişlər bir tərəfə qoyulur və tamamilə başqa siyasət aparılır. Daha ətraflı »

Üzeyir Hacıbəyli adına Bakı Musiqi Akademiyasının(BMA), Azərbaycan Milli Elmlər Akademiyasının(AMEA) Gəncə bölməsinin və Gəncə Dövlət Universitetinin(GDU) birgə təşkilatçılığı ilə “Gəncənin musiqi mədəniyyətinin tarixi” mövzusunda Elmi-praktik konfrans keçirilib.

Universitetin Mətbuat və ictimaiyyətlə əlaqələr xidməti xəbər verir ki, konfransda BMA-nın Elmi işlər üzrə prorektoru, Əməkdar incəsənət xadimi, fəlsəfə elmləri doktoru, professor  Gülnaz Abdullazadə, Tələbə elmi cəmiyyətinin sədri, Əməkdar incəsənəd xadimi, sənətşünaslıq doktoru, professor İmruz Əfəndiyeva, Elmi katib Həbibə Məmmədova, AMEA-nın Gəncə bölməsinin sədri, AMEA-nın müxbir üzvü, Kimya elmləri doktoru, akademik Fuad Əliyev, Gəncə şəhər Musiqi məktəblərinin direktorları, eləcə də GDU-nun prorektorları,  professor- müəllim heyəti və tələbələr iştirak ediblər. Daha ətraflı »

Gəncə Şəhər İcra Hakimiyyətinin başçısı Niyazi Bayramov vətəndaşlarla görüşüb. Kəpəz Rayon İcra Hakimiyyətinin başçısı Eldəniz Xudiyev, Nizami Rayon İcra Hakimiyyətinin başçsısı Nizami Hacıyev, idarə, müəssisə və təşkilat rəhərləri də iştirak etdiyi görüşdə sakinləri narahat edən məsələlər dilə gətirilib, onların aradan qaldırılması istiqamətində müvafiq tapşırıqlar verilib.

Niyazi Bayramov vətəndaşları salamlayaraq bildirib ki, Prezident İlham Əliyevin tapşırıq və tövsiyyələrinə uyğun olaraq keçirilən görüşlərin məqsədi sakinlərin problemlərini öyrənmək və onları həll etməkdir. Şəhər rəhbəri qeyd edib ki,  Gəncədə binaların fasadları yenilənir, dam örtükləri dəyişdirilir, şəhərin su təsərrüfatı və kanalizasiya sistemi yenidən qurulur,  çoxmərtəbəli binaların liftləri yenilənir, yollarda təmir-bərpa işləri gedir.  Niyazi Bayramov onu da vurğulayıb ki, bütün bu tədbirlər əhalinin rahatlığının təminatına və güzəranının yaxşılaşdırılmasına xidmət edir. Daha ətraflı »

Gəncə Şəhər İcra Hakimiyyəti tərəfindən Gəncə Dövlət Universitetində “Beynəlxalq Tolerantlıq Günü münasibətilə tədbir keçirilib. Tədbirdə Gəncə Şəhər İcra Hakimiyyəti başçısının müavini Vəfa Abbasova, şəhər İcra Hakimiyyətinin İctimai-siyasi və humanitar məsələlər şöbəsinin müdirinin müavini-dini qurumlarla işin təşkilatçısı Həsən Məmmədov, millət vəkili Pərvin Kərimzadə, ziyalılar, ictimai birliklərin, dini icmaların nümayəndələri, universitetin müəllim və tələbələri iştirak ediblər.

Vəfa Abbasova tədbiri giriş sözü ilə açaraq "Beynəlxalq Tolerantlıq Günü"nün yaranma tarixi barədə danışıb. Bildirib ki, İkinci Dünya müharibəsindən sonra Avropada tolerantlıq və multikulturalizm istiqamətində müəyyən addımlar atılıb, Birləşmiş Millətlər Təşkilatının müvafiq konvensiyası imzalanıb. Daha ətraflı »

“Ölkəmizi tanıyaq” maarifləndirici tur-aksiyanın növbəti mərhələsi başlayıb. Respublikamızın şəhər və rayonlarının IX-XI sinif şagirdləri üçün “Ölkəmizi tanıyaq” devizi altında keçirilən maarifləndirici tur-aksiyanın növbəti mərhələsi başlayıb. Gəncə-Şəmkir-Göygöl marşrutu üzrə tur-aksiyada iştirak edən Quba, Qusar, Şabran, Nizami, Pirallahı, Sabunçu, Səbail, Suraxanı və Yasamaldan rayonlarından olan məktəblilər Gəncəyə gəliblər.

 “Ölkəmizi tanıyaq” avtobuslarının ilk dayanacağı Heydər Əliyev park-kompleksi olub. Burada məktəbliləri Gəncə Şəhər İcra Hakimiyyəti başçısının müavini Vəfa Abbasova, Gəncə Şəhər Təhsil İdarəsinin nümayəndələri və mədəniyyət işçiləri qarşılayıblar.

Qonaqları salamlayan Gəncə Şəhər İcra Hakimiyyəti başçısının müavini Vəfa Abbasova “Ölkəmizi tanıyaq” devizi altında keçirilən maarifləndirici tur-aksiyanın mahiyyətindən söz açıb. Daha ətraflı »

“Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2019-cu il 8 oktyabr tarixli 1673-VQD nömrəli Qanununun tətbiqi barədə Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2019-cu il 8 oktyabr tarixli 1673-VQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:

1. Azərbaycan Respublikasının Nazirlər Kabineti:

1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin; Daha ətraflı »

Serbiyanın Novi Sad şəhərində "Avropa Gənclər Paytaxtlarının Şəbəkəsi"nin yaradılması məqsədilə imzalanma mərasimi keçirilib. Mərasimdə Gəncə Şəhər İcra Hakimiyyətinin başçısı Niyazi Bayramov, Gəncə şəhər Gənclər və İdman Baş İdarəsinin rəisi Müşfiq Cəfərov, Azərbaycan Respublikasının Serbiya Respublikasındakı səfirliyinin əməkdaşları, həmçinin müxtəlif illərdə Avropanın Gənclər Paytaxtı titulunu daşıyan şəhərlərin mer və vitse-merləri iştirak ediblər.

İmzalanma mərasimində Avropa Gənclər Paytaxtlarını təmsil edən rəsmilər “Avropa Gənclər Paytaxtları Şəbəkəsi”nin yaradılmasını təsdiq edən “Təsis Aktı”nı imzalayıblar. “Təsis Aktı” dövlət qeydiyyatına alınması üçün Rumıniya Hökümətinə göndərilib. Daha ətraflı »

Azərbaycan Dövlət Aqrar Universitetinin (ADAU) rektoru, AMEA-nın müxbir üzvü, professor İbrahim Cəfərov universitetdə çaılşan gənc müəllimlərlə görüşüb.

Rektor bildirib ki, keçirilən bu  görüşdə məqsəd gənc müəllimlərin elmi-pedaqoji fəaliyyətinin stimullaşdırılması, onların sosial problemlərinin həlli, elm və tədrisdə yeni metodların tətbiqi yollarının müzakirəsidir. Ən başlıcası universitetin beynəlxalq miqyasda tanıdılmasında gənc müəllimlərin də üzərinə mühüm vəzifələrin düşdüyü bildirilib.

İşgüzar və səmimi keçən görüşdə mövcud problemlər və onların həlli yollarından, bu cür görüşlərin keçirilməsinin əhəmiyyətindən danışılıb. Daha ətraflı »