28Апр
İşğaldan azad edilən ərazilərdə olan dövlət təbiət qoruğu və dövlət təbiət yasaqlığının sayı açıqlanıb.
Ekologiya və təbii sərvətlər nazirinin müavini Vüqar Kərimov nazirliyin işğaldan azad olunan Füzuli və Xocavənd rayonlarına təşkil etdiyi media tur zamanı jurnalistlərə açıqlamasında bildirib ki, Azərbaycanda mühafizə olunan ümumilikdə 10 milli park, 10 təbiət qoruğu və 24 dövlət təbiət yasaqlığı var.
Nazir müavini deyib ki, işğaldan azad edilən ərazilərdə iki dövlət təbiət qoruğu — Qaragöl və Bəsitçay dövlət təbiət qoruğu var:
Daha ətraflı »
28Апр
Bu gün görkəmli oftalmoloq alim, akademik Zərifə xanım Əliyevanın anadan olmasının 98-ci ildönümü qeyd olunur. Zərifə Əliyeva 1923-cü ilin 28 aprelində Naxçıvan Muxtar Respublikasının Şərur rayonunda anadan olub.1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb.
Z.Əliyevanın Azərbaycanda oftalmologiya elminin inkişafında müstəsna xidmətləri var.
Daha ətraflı »
20Апр
18 aprel Beynəlxalq Abidələr və Tarixi Yerlər Günü ilə əlaqədar Gəncə Şəhər Gənclər və İdman Baş İdarəsi gənclərin Gədəbəy rayonuna ekskursiyasını təşkil edib. Kəpəz dağçılıq klubunun dəstəyi ilə həyata keçirilən ekskursiyanın məqsədi yerli əhəmiyyətli qədim tarixi abidələrimizin gənclər arasında tanıdılması və ölkəmizin turizm potensialının dünyada daha geniş formada təbliği olub.
Gədəbəy rayonuna səyahət səfəri zamanı Poladlı kəndində «Həmişəvəng» qədim alban monastrına, Miskinli kəndində Almanlar tərəfindən XIX əsrdə dağ mədən sənayesi məqsədilə tikilmiş «Qanlı körpüyə» və Düzyurd kəndindəki, təqribən 2000 metr hündürlükdə yerləşən məşhur və qədim «Koroğlu» qalası ziyarət edilib.
Daha ətraflı »
20Апр
Gəncə Regional Mədəniyyət İdarəsinin dəstəyi Gəncə Dövlət Tarix Mədəniyyət Qoruğunun təşkilatçılığı ilə Nizami Məqbərəsi ərazisində, Nizami Gəncəvi muzeyinin qarşısında Beynəlxalq Abidələr və Tarixi Yerlər günü münasibəti ilə mövcud karantin rejimi qaydalarına uyğun olaraq tədbir keçirilib.
Gəncə Regional Mədəniyyət İdarəsinin rəisi Vasif Cənnətov, Gəncə Dövlət Tarix Mədəniyyət Qoruğunun direktoru Cumalik Rəhimov və digər mədəniyyət işçiləri əvvəlcə dahi Azərbaycan şairi, mütəfəkkiri Nizami Gəncəvinin məqbərəsini ziyarət edərək, şairin məzarı üzərinə tər qərənfillər düzüblər.
Daha ətraflı »
20Апр
Yeni Azərbaycan Partiyası Gəncə şəhər təşkilatı, partiya fəalları, Gənclər Birliyinin üzvləri və könüllü gənclərlə birgə iməclik təşkil edib. Gəncənin qərb istiqaməti girişində, yol kənarlarına əkilən yaşıllıq zolaqlarına aqrotexniki qulluq göstərən partiya fəalları, ərazini alaq otlarında təmizləyib, yol kənarına atılan məişət tullantılarını toplayaraq zərərsizləşdiriblər.
Bununla belə ağacların dibləri yumşaldılıb, suvarılması həyata keçirilib. İməcliş işlərinin həftəsonları müntəzəm olaraq keçirilməsi nəzərdə tutulur.
Daha ətraflı »
20Апр
Gəncə şəhər sakinlərinin nəzərinə! 20 aprel 2021-ci il tarixində aparılacaq təmir işləri ilə əlaqədar olaraq Gəncə çayının sol sahilində, yəni şəhərin Yeni Gəncə, Mahrasa bağı, Bağmanlar, Totanlı, Şahsevənlər və sair ərazilərdə saat 10-00-dan etibarən qaz təminatında fasilə yaranacaqdır.
Daha ətraflı »
15Апр
İtaliya parlamentinin nümayəndələri Gəncə şəhərinə səfər ediblər. Qonaqları Gəncə Şəhər İcra Hakimiyyəti başçısının müavini Kamran Məhərrəmov və şəhər rəsmiləri qarşılayıblar. Onlar Gəncənin Ermənistan silahlı qüvvələri tərəfindən raket atəşinə tutulması nəticəsində dağılan əraziyə baş çəkiblər.
Qonaqlar oktyabrın 11-də Gəncədə erməni terroru nəticəsində çoxsaylı insanın öldüyü, yaralandığı və böyük dağıntıların yarandığı əraziyə gəliblər.
Daha ətraflı »
15Апр
Gəncə Avtomobil Zavodu İstehsalat Birliyinin yaşı 40-dan yuxarı olan əməkdaşları COVİD-19 əlehinə vaksinasiya olunub. Bu barədə məlumatı Birliyin direktoru Bağban Nəbiyev verib. Onun sözlərinə görə yaşı 50-dən yuxarı olan əməkdaşlarda artıq 2-ci doza vaksinlərin vurulması başa çatdırılıb.
40-49 yaş arasında olan işçilərin 1-ci doza vaksiyasiya prosesi tam başa çatıb, aprelin 22-dən başlayaraq 2-ci dozaların vurulmasına start veriləcək. B. Nəbiyev onu da qeyd edib ki, vaksinasiya olunan əməkdaşlar arasında hər hansı əlavə təsir qeydə alınmayıb.
Daha ətraflı »
15Апр
Gəncədə bir qrup gənc tərəfindən koronavirus infeksiyasının (COVİD-19) yayılmasının qarşısının alınması məqsədilə əhali arasında maarifləndirmə aksiyası həyata keçirilib. Aksiya Gəncə Şəhər Gənclər və İdman Baş İdarəsinin təşkilatçılığı ilə reallaşıb.
Tədbirdə Gəncə Şəhər Gənclər və İdman Baş İdarəsinin könüllüləri və Tələbə Gənclər Təşkişatlarının fəal gəncləri iştirak ediblər. Onlar şəhərin mərkəzində, əhalinin sıx toplaşdığı ərazilərdə tibbi maskalar və Baş İdarənin sifarişi əsasında hazırlanan əyani maarifləndirici vəsaitlər (bukletlər) paylayıblar.
Daha ətraflı »
14Апр
Qarşılıqlı müzakirə əsasında keçirilən görüşdə iki ölkə arasında mədəni, iqtisadi, eləcə də, təhsil sahəsində ikitərəfli əməkdaşlıqlar müzakirə olunub.
Ölkələrarası münasibətlərin olduqca yüksək müstəvidə irəlilədiyini bildirən Çin Xalq Respublikasının ölkəmizdəki səfiri xanım Qo Min bütün Azərbaycan xalqını 44 günlük müharibədə əldə etdiyi tarixi qələbə münasibətiylə təbrik edərək artıq bütöv Azərbaycanla Çin Xalq Respublikası arasındakı əməkdaşlığın yeni mərhələyə qədəm qoyacağını və bu münasibətləri daha irəliyə daşımaq və inkişaf etdirmək üçün ciddi səylə fəaliyyət göstərəcəyini qeyd edib.
Daha ətraflı »
İşğaldan azad edilən ərazilərdə olan dövlət təbiət qoruğu və dövlət təbiət yasaqlığının sayı açıqlanıb.
Yeni ismarıclar