"Azərbaycanın dövlət müstəqilliyi dönməzdir, əbədidir və bizim borcumuz dövlət müstəqilliyini, əldə etdiyimiz milli azadlığı daim qoruyub saxlamaqdır”.

Heydər ƏLİYEV

Tarixdən bəllidir ki, xalqların həyatında, taleyində Lider faktoru həmişə həlledici rol oynayıb. Məhz liderlərin fədakarlığı, siyasi iradəsi və fenomenal idarəetmə bacarığı sayəsində ən ağır böhran vəziyyətlərindən qurtuluş mümkün olub. Bu baxımdan Azərbaycan xalqı bəxti gətirən xalqlardandır. Müstəqilliyin ilk illərində ölkəmizin ən ağır durumunda Heydər Əliyev qətiyyəti, siyasi əzmkarlığı parçalanmaqdan, daxili və xarici təhdidlərdən, vətəndaş qarşıdurmasından, anarxiyadan, bütünlükdə isə Azərbaycanı bir dövlət kimi tarixin səhnəsindən silinməkdən xilas etdi.

Təkcə müstəqillik illərində deyil, ittifaq tərkibində olduğu zamanda da Heydər Əliyevin uzaqgörən siyasəti, milli təəssübkeşliyi, fədakarlığı, sonsuz Azərbaycan sevgisi ölkəmzin hərtərəfli inkişafında həlledici faktor olmuşdur. Daha ətraflı »

Azərbaycan Dövlət Aqrar Universitetində keçirilən bakalavriat səviyyəsinin tələbələri üçün “Aqrar sahənin innovasiyalı inkişafı: dünya təcrübəsi, perspektivlər” adlı 2-ci Beynəlxalq yay məktəbində növbəti mühazirə “FAO və aqrar sahənin innovativ inkişafı ” mövzusunda olub.

Mühazirə FAO-nun Azərbaycandakı Tərəfdaşlıq və Əlaqələndirmə Ofisinin rəhbəri Mələk Çakmak tərəfindən aparılıb. M.Çakmak BMT-nin ixtisaslaşmış təşkilatlarından biri kimi, FAO-nun strukturu, fəaliyyət sahələri, strateji məqsədləri, o cümlədən ərzaq təhlükəsizliyinin təmin edilməsində rolu, həyata keçirilən proqramlar və layihələr, Tərəfdaşlıq və Əlaqələndirmə Ofisi tərəfindən yerinə yetirilmiş işlər və digər məsələlər barədə danışıb, diskusiyalar aparıb, tələbələrin verdiyi sualları cavablandırıb. Daha ətraflı »

"Gəncə Avtomobil Zavodu" İstehsalat Birliyi qonşu Türkiyə, Rusiya və Gürcüstana, eləcə də Orta Asiya ölkələrinə ixrac imkanlarını araşdırır.

Bu barədə “Report”a zavodun mətbuat xidmətinin rəhbəri Məqsəd Rəhimov məlumat verib. 

"Hazırda həmin ölkələrdə məhsullarımızı reklam edirik və beynəlxalq sərgilərdə iştirak edirik. Bununla da potensial alıcıları məhsullarımızla tanış edirik", — deyə o, qeyd edib. Daha ətraflı »

Azərbaycan Respublikasının İnsan Hüquqları üzrə Müvəkkili BMT-nin Əhali Fondu ilə birlikdə Gəncə şəhərində 11 iyul — Ümumdünya Əhali gününə həsr edilmiş regional konfrans təşkil edib. Konfransda Azərbaycan Respublikasının İnsan hüquqları üzrə müvəkkili (Ombudsman) Elmira Süleymanova, Gəncə Şəhər İcra Hakimiyyəti başçısının birinci müavini Elnur Rzayev, Millət vəkili İlham Məmmədovm və başqaları iştirak ediblər

Öncə konfrans iştirakçıları Ümummilli lider Heydər Əliyevin abidəsi önünə gül dəstələri düzərək xatirəsini yad ediblər. Sonra qonaqlar tədbirin keçirildiyi Heydər Əliyev Mərkəzi və Muzeyi ilə tanış olublar.

Tədbiri giriş sözü ilə açan Gəncə Şəhər İcra Hakimiyyəti başçısının birinci müavini Elnur Rzayev bildirib ki, bu gün Azərbaycan dövlətinin sosial sahədə atdığı addımlar öz miqyasına, təsir dairəsinə, əhəmiyyətinə görə heç bir ölkədə müşahidə olunmur. Bu, ilk növbədə cənab Prezidentin, dövlətin öz vətəndaşına olan diqqət və qayğısının təzahürüdür. O vurğulayıb ki, Azərbaycanın sürətli inkişafı bölgələri də əhatə edir. Daha ətraflı »

Dövlət İmtahan Mərkəzi (DİM) I və IV ixtisas qrupları üzrə müsabiqədə iştirak etmək hüququ qazanan abituriyentlərə müraciət edib.

Mərkəzdən bildirilib ki, ali təhsil müəssisələrinə qəbul olmaq üçün ixtisas seçimi edəcək həmin abituriyentlər üçün “İxtisas seçimi zamanı nələrə diqqət yetirməli?” adlı kitabçalar nəşr olunub.

“Abituriyent” jurnalının xüsusi buraxılışı olan kitabçada I və IV ixtisas qrupunda müsabiqədə iştirak etmək hüququ qazanmış abituriyentlərin imtahan ballarının paylanması, ali təhsil müəssisələrinə ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri və digər zəruri məlumatlar təqdim olunub.

II və III ixtisas qrupunda müsabiqədə iştirak etmək hüququ qazanmış abituriyentlər üçün bu kitabçalar imtahanın nəticələri elan edildikdən sonra çap ediləcək. Daha ətraflı »

Sutka ərzində Ermənistan və Azərbaycan qoşunlarının təmas xəttində nisbi sakitlik müşahidə olunub.

Müdafiə Nazirliyinin mətbuat xidmətindən AZƏRTAC-a bildiriblər ki, cəbhənin bəzi sahələrində atəşkəs rejimi ara-sıra açılan atəşlə pozulub. Daha ətraflı »

Gəncədə hava günəşli olacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə bu gün Gəncədə hava günəşli olacaq.  Qərb küləyi əsəcək. Havanın temperaturunun gecə 19-24°, gündüz 30-35° isti olacağı deyilir. Daha ətraflı »

Əhəmiyyətindən və məzmunundan asılı olmayaraq hər bir tarixi prosesin uğurlu nəticəsi ilk növbədə xalqa və dövlətə rəhbərlik edənlərin qətiyyəti və düzgün mövqeyi nəticəsindən təmin olunur. Lakin başqa bir reallıq da var ki, bəzən müdrik dühalar özləri əməlləri ilə tarixin gedişatını dövlətin və xalqın mənafeyi naminə elə nizamlayırlar ki, nəticə etibarilə əslində tarixin müəllifinə çevrilirlər.

Bu gün — iyulun 14-də Azərbaycana ilk dəfə rəhbərliyə başlamasının 50-ci ili tamam olan Ulu Öndər Heydər Əliyevin ömür yolu da təsdiq edir ki, yalnız böyük şəxsiyyətlər tarixin gedişində ən dəyərli nümunələrin müəllifi olmağı bacarırlar. Heydər Əliyevin Azərbaycan dövləti və xalqı qarşısında xidmətləri əvəzedilməzdir. Həssas olan bir bölgədə yerləşən Azərbaycanda müasir dövlətçiliyin yaradılması və bu dövlətçiliyin çox ölkələrə örnək olan inkişaf modelinin qurulması istiqamətində Heydər Əliyevin tarixi xidmətləri bütün dünyanın qəbul etdiyi və öyrəndiyi zəngin bir irsdir. Heydər Əliyev müasir dövlət quruculuğu fəlsəfəsini yaradan bir siyasətçi idi. Daha ətraflı »

YAP Gəncə şəhər təşkilatının təşəbbüsü ilə “N” saylı hərbi hissədə müstəqil Azərbaycan dövlətinin banisi və qurucusu, dünya şöhrətli siyasi xadim Heydər Əliyevin hakimiyyətə gəlişinin 50-ci ildönümünə həsr edilmiş tədbir keçirilib.

Tədbir unudulmaz Heydər Əliyevin və Azərbaycanın müstəqilliyi, ərazi bütövlüyü uğrunda şəhid olanların xatirəsinin bir dəqiqəlik sükutla yad edilməsi ilə başlayıb. Dövlət Himni səsləndirilib.

YAP Gəncə şəhər təşkilatının sədri, millət vəkili Naqif Həmzəyev ulu öndər Heydər Əliyevin Azərbaycan xalqı qarşısındakı müstəsna xidmətlərindən söz açıb, onun respublikaya ilk dəfə rəhbərlik etdiyi dövrdə bu günkü müstəqilliyimiz üçün mühüm iqtisadi və mənəvi potensialın yaradıldığını bildirib. Naqif Həmzəyev 1969-cu ilin iyulun 14-də ulu öndər Heydər Əliyevin Azərbaycana rəhbər seçilməsi ölkəmizin müstəqillik tarixinin, parlaq və işıqlı gələcəyinin təməlini qoyduğu kimi Azərbaycan Ordusunun da formalaşmasında müstəsna rolununun danılmaz olduğunun xüsusi ilə vurğulayıb. Daha ətraflı »

Gəncə Regional Qadın Mərkəzi İctimai Birliyi Azərbaycan Respublikasının Prezidenti Yanında QHT-ə Dövlət Dəstəyi Şurasının maliyyə dəstəyi ilə icra etdiyi “Ailə qanunvericiliyinin təbliği və məişət zorakılığının qarşısının alınması məqsədi ilə maarifləndirici tədbirlərin keçirilməsi” layihəsinin tədbirləri davam edir. Layihə çərçivəsində Azərbaycan Respublikası Vəkillər Kollegiyasının Gəncə şəhər 1 saylı Vəkil bürosunun vəkillərinin iştirakı ilə gənclərlə görüş keçirilib.

Görüşdə layihə rəhbəri Məleykə Əlizadə layihə haqqında məlumat verib, onun aktuallığından və vəkillərin iştirakı ilə keçirilən müzakirələrin vacibliyindən danışıb, zorakılığa qarşı mübarizədə ictimai vəkillərə ehtiyac duyulduğunu bildirib. Görüşdə Gəncə şəhər 1 saylı Vəkillər bürosunun müdiri Camal Əliyev iştirakçılara Vəkillik İnstitutunda aprılan islahatlardan, əhalinin az təminatlı hissəsinə pulsuz hüquqi yardım göstərilməsi barədə məlumat vermib, gəncləri maraqlandıran sualları cavablandırıb. Daha ətraflı »